Ажәабжьқәа

Популярное

Аҟәа ақалақь аҿы А. С. Пушкин иира Амши аурыс бызшәа Жәларбжьаратәи Амшныҳәеи азгәарҭеит

94
06.06.2019 15:15
Аҟәа ақалақь аҿы А. С. Пушкин иира Амши аурыс бызшәа Жәларбжьаратәи Амшныҳәеи азгәарҭеит
Аурыс поет дуӡӡа А. С. Пушкин диижьҭеи 220-шықәса ҵит.

Аҟәа. Рашәарамза 6. Аҧсныпресс. Дамеи Касланӡиа. Аҟәатәи аботаникатә баҳча аҿы Александр Сергеи-иҧа Пушкин иира Амши аурыс бызшәа Жәларбжьаратәи Амшныҳәеи азгәарҭарц еизеит Аҧсны Жәлар Реизара – Апарламент аиҳабы Валери Кәарҷиа, аҭҵаареи аҵарадырреи, акультуреи рзы Аҳәынҭқарра Ахада иабжьгаҩ Владимир Занҭариа, Аҧсны иҟоу аҷыдалкаатә зинмчы змоу Урыстәыла Ацҳаражәҳәаҩ Алексеи Двинианин, Аҧсны иҟоу аҷыдалаатә зинмчы змоу  Аахыҵ Уаҧстәыла Ацҳаражәҳәаҩ Олег Боциев, ауаажәларратә усзуҩцәеи арҿиаратә интиллегенциеи.



Аусмҩаҧгатә иалахәыз апоет ибаҟа амҵан ашәҭ шьыҵәрақәа шьтарҵеит. 

Аиҧылара аартуа, Аҧсны иҟоу аурыс культуратә Центр ахантәаҩы Наталиа Каиун иазгәалҭеит: “Ҳара уажәадагьы ари ашәышыкәсақәа ирҭысхьоу аҭәаҵла амҵан ари Амш азгәаҳҭахьеит. Иахьа, Жәларбжьаратәи аурыс бызшәа Амш аҽны адунеи зегьы аҿы еицырдыруа апоет Александр Сергеи-иҧа Пушкин ирҿиамҭақәа ҳарзыӡырҩырц ҳҭахуп. Апоет ирҿиамҭақәа еиуеиҧшым адунеи ажәларқәа рбызшәақәа ахь еиҭаргоит, жәаҳәарада аҧсуа бызшәагьы уахь иналаҵаны”.

Владимир Занҭариа иара убас А. С. Пушкин иҭынха иаҵоу аҵак ду азгәеиҭеит: “Ҳара иахьа адоуҳатәии ауаҩышьатәи ахәдуқәа реицакра ҳаамҭазтәи ацивилизациа злашьаҭарку ауаатәыҩсатә культура ааха ду анаҭар аналшо ишәарҭоу аамҭахәҭа ҳҭагылоуп. Ас еиҧш иҟоу апроцессқәа рымҩаҧысраан идуӡӡоу аклассикатә ҭынха азхьаҧшреи, ахшыҩзышьҭра ду аҭареи ирыбзоураны, атрадициақәеи амилаҭтә культурақәа реиҭарҿиара алыршахар ҟалоит. Шьҭа Аҧсны традициа ҳасабла ишьақәгылахьоу А. С. Пушкин имшқәа рымҩаҧгара, ҳмилаҭтә культуратә ашықәсҩыра иахәҭакхеит. Академик Дмитри Сергеи-иҧа Лихачиов иазгәеиҭеит: Александр Сергеи-иҧа Пушкин аҧсҭазаара бзиа абара адагьы, уи изы аҧсҭазаара  амаӡа ду аҵан, избан акәзар, уи зегьы рала дҳаракын, зегьы рыла далукааратәы дыҟан”.

Аиҧлара алахәылацәа аҧсшәахь еиҭагоу Александр Сергеи-иҧа Пушкин иҩымҭақәа ирыҧхьон, апоет иажәеинраалақәа рыла иаҧҵоу ароманс нарыгӡеит, иара убас алитература-музыкатә композициа нагӡан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа