Ажәабжьқәа

Популярное

Аҟәа ақалақь аҿы Аиааира Амш иазкны Апарад мҩаҧысит

231
30.09.2017 14:14
Аҟәа ақалақь аҿы Аиааира  Амш иазкны Апарад мҩаҧысит
Аҧсны атәылахьчара Аминистрра  араанеишьҭагылеи Аҧсны иҟоу Урыстәылатәи Афедерациа 7-тәи арратә база аруааи Аҟәатәи иҷыдоу аказакцәа рырхәҭа аказакцәеи Аҧсны Аиааиреи Ахьыҧшымреи Рымш иазкны  Апарад нарыгӡеит.

Аҟәа. Цәыббрамза 30. Аҧсныпресс. Дырмит Баасариа. Аныҳәатә усмҩаҧгатә 400-ҩык инареиҳаны аруаа рхы аладырхәит. Аиааира Апарад идикылеит Аҧсны арбџьармчқәа ркомандаҟаҵаҩ Рауль Ҳаџьымба. Аҧсны Ахада Рауль Ҳаџьымба аветеранцәеи атәылауааи Аныҳәамш рыдиныҳәалеит. “24 шықәса раҧхьа Аҧсны жәлар Аџьынџьтәылатәи еибашьра аҿы Аиааира ргеит. Ари аибашьраҿы ҳара рыжәҩахыр еибыҭа иҳавагылан Нхыҵ Кавкази Аладатәи Урыстәылеи рҟынтәи ҳашьцәа, амҳаџьыраа рхылҵышьҭрақәа, уҳәа аиашара иазықәҧоз зегьы. Ҳара ҳадгьыл ахақәиҭтәра ҳалшеит”, – ҳәа иҳәеит Аҳәынҭқарра Ахада.



Рауль Ҳаџьымба аибашьра аветеранцәа аҧсадгьыл ахьчараан иаадырҧшыз агәаҕьреи афырхаҵареи рзы ҭабуп ҳәа реиҳәеит. "Ҷыдала иҭабуп ҳәа расҳәоит иҭахаз ранацәа. Урҭ афырхацәа иашақәа рааӡеит!" – ҳәа инаҵшьны иазгәеиҭеит иара.



Аҳәынҭқарра Ахада Аҧсны ажәлар аҭынчреи аҭышәынтәалареи аизҳазыҕьареи рзеиҕьаишьеит.



Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа