Ажәабжьқәа

Популярное

Аҟәа ақалақь аҿы Кавказтәи аибашьра иалаӡыз ргәалашәара иазкны аусмҩаҧгатәқәа мҩаҧгахоит

176
21.05.2019 11:11
Аҟәа ақалақь аҿы Кавказтәи аибашьра иалаӡыз ргәалашәара иазкны аусмҩаҧгатәқәа мҩаҧгахоит
Лаҵарамза 21 – Кавказтәи аибашьра иалаӡыз ргәалашәара иамшуп.

Аҟәа. Лаҵарамза 21. Аҧсныпресс. Ҳџьынџьуаа рыҧсадгьыл ахь рырхынҳәразы Аминистрра Кавказтәи аибашьра иалаӡыз ргәалашәара Амш азгәаҭаразы аусмҩаҧгатәқәа еиҿнакаауеит. Убас: 

Асааҭ 13:00 рзы – Аҧснытәи адраматә театр аҿаҧхьа амҳаџьырра атема ала ашколхәыҷқәа рсахьаҭыхымҭақәа рконкурс мҩаҧгахоит. 

Асааҭ 14:00 рзы – Аҧснытәи адраматә театр аҿы лаҵарамза 21 иазку ацәыргақәҵа еиҿкаахоит. 

Асааҭ 18:30 рзы  – С. Багаҧшь ихьӡ зху ашҭа аҿы аҿар еизоит. 

Асааҭ 19:30 рзы  – С. Багаҧшь ихьӡ зху ашҭа аҿы игоит абыкь абжьы. Уи инашьҭархны аҿар абираҟқәеи афакелқәеи кны Амҳаџьырқәа рбаҟа ахь аныҟәара еиҿыркаауеит. Аҧснытәи адраматә театр аҿаҧхьа ари аныҟәара иацлоит атәыла Анаҧхгарагьы. Анаҩс аҿар абираҟқәеи афакелқәеи кны абаҟа иакәшаны иҩагылоит. Абаҟа амҵан ашәҭ шьыҵәрақәа рышьҭаҵара ацеремониа мҩаҧысуеит.

Анаҩс Аҧсны-Нхыҵ Кавказ-Ҭықәтәыла рыбжьара ателеимадара мҩаҧгахоит.

Аусмҩаҧгатә  ахыркәшамҭазы амитинг мҩаҧгахоит.

Агәалашәаратә мца еиқәҵахоит. 

Аҵыхәтәаны 155 цыра  ампышҭатә арлашагақәа ажәҩан иалаҵахоит.


(АП): XIX ашәышықәсазы, Кавказтәи аибашьра иахҟьаны зықьҩыла аҧсуаа рҭоурыхтә ҧсадгьыл ааныжьны иқәҵны имцар ада ҧсыхәа рмоуит. Урҭ Ҭырқәтәыла, Аиаигәа Мрагылара атәылақәа рҿы ахыҵакырҭа рыҧшааит. Аҧсуа мҳаџьырқәа рхылҵышьҭрақәа адунеи 50 тәыла рҿы инхоит. Хыҧхьаӡарала зегьы раасҭа еиҳау аҧсуа диаспора Ҭырқәтәыла инхоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа