Ажәабжьқәа

Популярное

Аҟәа ақалақь аҿы XVI Жәларбжьаратәи ашахматтә фестиваль “Аҧсны Open 2019” аартра мҩаҧысит

167
02.08.2019 20:12
Аҟәа ақалақь аҿы XVI Жәларбжьаратәи ашахматтә фестиваль “Аҧсны Open 2019” аартра мҩаҧысит
XVI Жәларбжьаратәи ашахматтә фестиваль “Аҧсны Open 2019” аартра иадҳәаланы аҳҭнықалақь аҿы имҩаҧысыз аныҳәатә усмҩаҧгатә даҭааит Аҳәынҭқарра Ахада Рауль Ҳаџьымба.

Аҟәа. Нанҳәамза 2. Аҧсныпресс. Аҟәа ақалақь аҿы  XVI Жәларбжьаратәи ашахматтә фестиваль “Аҧсны Open 2019” аартра  мҩаҧысит. Аныҳәатә усмҩаҧгатә даҭааит Аҳәынҭқарра Ахада Рауль Ҳаџьымба.

Аусмҩаҧгатә аартуа, афестиваль аиҿкааҩ, Аҧсны ашахматқәа Рфедерациа апрезидент Константин Ҭыжәба иазгәеиҭеит: “Абар шьҭа жәаф шықәса инеиҧынкыланы ҳара Жәларбжьаратәи ашахматқәа рзы афестиваль “Аҧсны Open” мҩаҧаагоит. Уи рхы аладырхәуеит Аҧснны араионқәа зегьы рҟынтәи еиҧш, Урыстәыла арегионқәеи рҟынтәи ашахматист ҿарацәа. Афестиваль Аҧсны ари аспорттә хкы аларҵәареи аҿиареи иацхрааит. Убри инамаданы, иахьа аҧснытәи ашколқәа зегьы рҿы иарбоу аспорттә хкы азы афакультативтә зыҟаҵарақәа алагалоуп. Атурнир агеографиатә ҵакфра есыәшықәса аҳәаақәа арҭбаауеит. Афестиваль рхы аладырхәуеит Алада Урыстәыла, Нхыҵ Кавказ,Сибра, Харатәи Амрагылара, Прибалтика, Ҭаҭарсҭан, уҳәа егьырҭ ақалақьқәеи арегионқәеи рҟынтәи аспортсменцәа”.

Афестиваль аҳәаақәа ирҭагӡаны имҩаҧысуеит х-турнирк: “Гәдоуҭа Open”, “Аҟәа Open”, “Гагра Open”. Рауль Ҳаџьымба  Афестиваль аҩныҵҟа имҩаҧысыз “Гәдоуҭа Open” атурнир аҟны ааира згаз дрыдныҳәалеит. Афестиваль “Аҧсны Open 2019” иалахәуп 500-ҩык рҟынӡа ашахматасҩцәа. Атурнирқәа ирылахәуп иара убас Урыстәылатәи Афедерациа арегионқәа жәпакы рҟынӡа ашахматасҩцәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа