Ажәабжьқәа

Популярное

Аҟәа Ақалақьтә Еизара ахантәаҩы аҳҭнықалақь аҵарадырра асистема аусзуҩцәа арҵаҩы Имш рыдиныҳәалеит

151
05.10.2017 10:35
Аҟәа Ақалақьтә Еизара ахантәаҩы аҳҭнықалақь аҵарадырра асистема аусзуҩцәа арҵаҩы Имш рыдиныҳәалеит
“Аҵарадырра аусхкы ҳара ҳҿы рнапы алакуп ззиндырра аҩаӡара ҳараку ауаа- урҭ арҵаҩы иџьабаа зыҧсҭазаара аҿы иреиҳау аҭыҧ аҿы изыргыло зхатәы лахьынҵак аҳасабала иахәаҧшуа роуп “, -ҳәа иазгәаҭоуп адныҳәалараҿы. 

Аҟәа. Жьҭаарамза 5. Аҧсныпресс.  Аҟәа Ақалақьтә Еизара ахантәаҩы Константин Ҧлиа аҳҭнықалақь аҵарадырра асистема аусзуҩцәа арҵаҩы Имш рыдиныҳәалеит.

Адныҳәалараҿы ахәҭакахьала иазгәаҭоуп: 

“Арҵаҩцәа рзанааҭтә ныҳәа аиашазы жәларзегьтәи аныҳәак аҳасабала уахәаҧшыр ҟалоит. Ари амш аҽны ҳара иҷыдоу аҧхарреи, апатуқәҵареи, абзиабареи аҵаны ҳарҵаҩцәа ҳгәалаҳаршәоит, урҭ еиҵагыло аҿар рааӡара иазырхоу хәызмаӡам рџьабаа азы ҭабуп ҳәа раҳҳәоит. 

Аҟәа ақалақь аҿы аҵарадырра есымшагьы акырӡа ахшыҩзышьҭра зауаз усхкны иҟан, иахьа уи аҿиара азы ахарџь ақалақь абиуџьет аиҳарак иазкхоит. Еиҵагыло аҿар рааӡараҿы арҵаҩы инаигӡо ароль ахә ашьара уадаҩуп, избан акәзар ашкол аҿы ауп азанааҭтә дыррақәа руасхыр ахьышьҭаҵахо, аҵаҩы  атәылауаҩык иаҳасабала ихатәы шьақәгылара ахьымҩаҧысуа. Аҵарадырра аусхкы ҳара ҳҿы рнапы алакуп ззиндырра аҩаӡара ҳараку ауаа- урҭ арҵаҩы иџьабаа зыҧсҭазаара аҿы иреиҳау аҭыҧ аҿы изыргыло зхатәы лахьынҵак аҳасабала иахәаҧшуа роуп .

Аныҳәамш шәыдысныҳәалоит, ҳаҭыр ду зқәу арҵаҩцәа! 
Аҟәа ақалақьтә Еизара адепутатцәа рыхьӡала аҟәатәи ашколқәа рҿы аус зуа арҵаҩцәа зегьы агәабзиара, агәамч, аизҳазыҕьара, аоптимизмреи абаҩхатәра злоу аҵаҩцәеи шәзеиҕьасшьоит!” 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа