Ажәабжьқәа

Аҭаҷкәымҟьаҩцәа Игорь Адлеибеи Герин Сох Фонкуи рыбжьара Жәларбжьаратәи аиндаҭлара Екатеринбург ақалақь аҿы имҩаҧысраны иҟоуп

191
05.07.2019 11:00
Аҭаҷкәымҟьаҩцәа Игорь Адлеибеи Герин Сох Фонкуи рыбжьара Жәларбжьаратәи аиндаҭлара Екатеринбург ақалақь аҿы имҩаҧысраны иҟоуп
Аиндаҭлара мҩаҧгахоит ҧхынгәымза 13 рзы, Екатеринбург ақалақь, RCC Boxing Promotions атурнир аҿы.

Аҟәа. Ҧхынгәымза 5. Аҧсныпресс. Дамеи Касланӡиа. Аҧсны абҩарҵәыреи аспорти рзы аҳәынҭқарратә Еилакы ацхыраарала аҭаҷкәымҟьаҩы Игорь Адлеиба ҧхынгәымза 13  рзы, Екатеринбург ақалақь. RCC Boxing Promotions атурнир аҿы камерунтәи аспортсмен Герин Сох Фонку диацлабраны дыҟоуп. Абри атәы ааицҳауеит Аҧсны абҩарҵәыреи аспорти рзы аҳәынҭқарратә Еилакы ахантәааҩы ицхырааҩ Артур Адлеиба.

Артур Адлеиба иҟаиҵаз адыррақәа рыла: “Аҭаҷкәымҟьаҩцәа ф-раундк рыла ишьақәгылоу аиндаҭлара мҩаҧыргараны иҟоуп. Иахьа уажәраанӡа знымзар знык иаҵамхахьоу Игорь Адлеиба изанааҭтә ҧсҭазаара иалагӡаны аантәны аринг дықәлоит. 2017 шықәсазы имҩаҧысыз уи раҧхьаӡа иқәгылара аахыс иара қәҿиарала 7 еиндааҭларак мҩаҧигахьеит, убас ала урыстәылатәи апрофессионалтә ҭаҷкәымҟьаҩцәа рреитинг аҿы, зыкапантә категориа 63,5 кьыла рҟынӡа иназо рыбжьара 16-тәи ацәаҳәа аанкылара илиршеит. Сох Фонку иацлабра Игорь Адлеиба изы сынтәа хынттәи еиндаҭлараны иҟалоит. Камерунтәи аспортсмен иактив аҿы имоуп 9 еиндаҭларак. Уигьы ҳазҭоу ашықәс иалагӡаны еиндаҭларак амҩаҧгара дахьӡахьеит, аха аӡбаҩцәа рыӡбамҭа ала Европа ачемпион Иагуб Нуриев диаҵахеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа