Ажәабжьқәа

Популярное

Аҭааәареи, абзиабареи, гәыкҧсыкала азыҟазаареи Рымшныҳәа азгәарҭеит Аҧсны иҟоу Урыстәылатәи Афедерациа Ацҳаражәҳәарҭа аҿы

47
08.07.2019 17:35
Аҭааәареи, абзиабареи, гәыкҧсыкала азыҟазаареи Рымшныҳәа азгәарҭеит Аҧсны иҟоу Урыстәылатәи Афедерациа Ацҳаражәҳәарҭа аҿы
Аҧсны иҟоу Урыстәылатәи Афедерациа Ацҳаражәҳәарҭа аҿы 25-шықәса инареиҳаны еицынхо аҭаацәара ҳаҭырла ирыдыркылон.

Аҟәа. Ҧхынгәымза 8. Аҧсныпресс. Мадина Чагәааҧҳа. Аҭаацәареи, абзиабареи, гәыкҧсыкала азыҟазаареи Рымшныҳәа аҽны Аҧсны иҟоу Урыстәылатәи Афедерациа Ацҳаражәҳәарҭа аҿы 25-шықәса инареиҳаны еицынхо аҭаацәара ҳаҭырла ирыдыркылон.

Асасцәа бзиала шәаабеит ҳәа раҳәо, Аҧсны иҟоу Урыстәылатәи Афедерациа Аҷыдалкаатә Зинмчы змоу Ацҳаражәҳәаҩ Алексеи Двинианин, еизаз ари аныҳәа аҭоурых, Муромтәи адгьылқәа рҿы аиашахаҵара ныҟәызгоз Пиотри Февронии анықәынхоз ижәытәӡатәиу Урыстәыла алегандартә епоха аҟынтәи ишаауа иргәалаиршәеит. “Ауаатәыҩса реилазаара аҿиара еиҧшу амодель ала имҩаҧысуеит. Ҳара ҳзыхшаз, ҳаҧсҭазаара змаҳдаз, ҳхәыҷқәа, зегьы ҳаҧсҭазаара ҵакыла ихадырҭәаауеит. Аҭаацәа – ари абзиабара, аизыҟазаашьа, аҳаҭырқәҵара иахыҵхырҭоуп, иароуп ауаҩы емоциалеи доуҳалеи дгәылҭәааны дҟазҵо, иароуп дуаҩызтәуа, дшьақәзыргыло. Ахәышҭаара аҧхарра, иузааигәоу гәцаракрыла рызнеира ауп ауаажәларра имҩашьо ахәдуқәас иҟоу. Иахьагьы гәахәара дула иҳадаҳкылоит араҟа, абри азал аҿы “Абзиабареи гәыкҧсыкала азыҟазаареи” рзы  амедалқәа занаҳшьараны ҳаҟоу аҭаацәара рбара. Шәара ҳара ҳзы хра злоу ҿырҧшыгақәоуп!” – ҳәа иҳәеит иара.

Урыстәыла аусацура Ахаҭарнакра анапхгаҩы Вадим Чеха убасгьы еизаз зегьы аныҳәа рыдиныҳәалеит: “Араҟа еизаз аҭаацәара 25-шықәса раҧхьа рыҧсҭазаара еиларҵеит. Убри аан урҭ реимадара ҕәгәа, гәыкала реизыҟазаара, рхәыҷқәа ауаажәларра алахәыла иашақәа раҳасабала рааӡара, уҳәа рыла Ареспублика аҿы еицырдыруеит. Уи зегьы ҳҳәынҭқарра аҿы ишьақәгылаз атрадициақәа еихарҳауеит. Убри аганахьала, аҭаацәара Ареспублика асоциал-економикатә, аполитикатә ҿиара иахыҵхырҭаны иҟоуп ҳәа уҳәаратәы иҟоуп”.

Ахәҭакахьала, иалкаахаз иреиуоу Хәыхәыҭ Шамба аусмҩаҧгатә аиҿкааҩцәа Урыстәыла Ацҳаражәҳәарреи Урыстәыла аусацура Ахаҭарнакреи  рҟынтәи иоуз аџьшьаразы ҭабуп ҳәа реиҳәеит: “Иарбан ҳәынҭқарразаалакгьы аҭаацәарақәа рыла ишьақәгылоуп. Аҭаацәарақәа зегьы ирзеиҕьасшьарц сҭахуп зегьы раҧхьаӡа иргыланы агәабзиара, аҭаацәаратә ҳәоуеиқәшәара, аизҳазыҕьара, насыҧ змоу аҵеира”.

Аныҳәатә усмҩаҧгатә аҿы “Абзиабареи гәыкҧсыкала азыҟазаареи” рзы амедал ранашьахеит:
– Аҩӡба Владимир Џьамал-иҧеи Иаковлева Лилиана Михаил-иҧҳаи;
– Родин Валентин Пиотр-иҧеи Родионова Инесса Григори-иҧҳаи;
– Шамба Хәыхәыҭ Арсенти-иҧеи Бганба Кама Михаил-иҧҳаи;
– Анқәаб Заур Николаи-иҧеи Герзмаа Наталиа Виктор-иҧҳаи;
– Трапизониан Галуст Парнак-иҧеи Маркариан Татиана Тигрануии.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа