Ажәабжьқәа

Популярное

Аҵаабабаду, Асҭыҧҳа, алазертә шоу, аконцерт: Пицунда ақалақь аҿы ашықәсҿыцтәи аныҳәақәа рҽазыҟарҵоит

184
21.12.2017 14:29
Аҵаабабаду, Асҭыҧҳа, алазертә шоу, аконцерт: Пицунда ақалақь аҿы ашықәсҿыцтәи аныҳәақәа рҽазыҟарҵоит
Пицунда ақалақь аҿы Ашықәс Ҿыц аҧылара иазку аныҳәатә усмҩаҧгатәқәа рҽазыҟарҵоит.
 
Аҟәа. Ҧхынҷкәынмза 21. Аҧсныпресс. Ашықәс Ҿыци аныҳәеи Иаса Қырса иирамши раламҭалаз Пицунда ақалақь аҿы аныҳәатә усмҩаҧгатәқәа рҽазыҟаҵара мҩаҧысуеит. Абри атәы Аҧсныпресс ахь иаарыцҳаит Пицунда ақалақь Ахадара аҟынтәи. Пицунда ақалақь аҿы 2018-тәи Ашықәс Ҿыц аҧылара иазку аныҳәатә усмҩаҧгатәқәа рҽазыҟаҵара мҽхакы ҭбаала имҩаҧысуеит. Ақалақь амҩаду хада аҿы иҩычоу аҧсаӡҵла хада шьақәыргылоуп. Иара убас апарк арҧшӡаразы архитектуратә форма маҷқәагьы ықәыргылоуп. Сынтәа Пицунда ақалақь ауааҧсыра рзы ихадоу аусмҩаҧгатә Акурорт Апансионатқәа Реидгыла “Курорт Пицунда” азал аҿы еиҿкаахоит. Араҟа Аҵаабабадууи Асҭыҧҳаи ахәыҷқәа зырлахҿыхша апрограмма рыздырхиоит. Анаҩс аусмҩаҧгатә “Алазертә шоу” ала иацҵахоит, уи аамышьҭахь, аусмҩаҧгатә аҩбатәи ахәҭа аҿы аестрадатә артистцәа Хьыбла Мықәба, “Заира”, Авҭандил Конџьариа, Мира Ахба, Наинеи Аринеи Оҭрбаа, Линеи Нине Гадлиааи злаху аконцерт мҩаҧгахоит. Аконцерт аҿы иара убас иқәгылараны иҟоуп ажәлар ринструментқәа рансамбль “Аҧхьарца” (асахьаркыратә наҧхгаҩы Даур Ҧарулуа),ахәыҷтәы хореографиатә студиа “Пицунда”(асахьаркыратә наҧхгаҩы Џьон Хәынцариа).

Апрограмма ахыркәшамҭаз ақалақь ахада Витали Хәытаба активра злоу аҿар, аусзуҩцәа бзиақәа, аспортсменцәа, уҳәа иҳаҩсуа ашықәс азы зҵареи зусуреи рҿы аихьӡара бзиақәа аарҧшрала зҽалызкааз зегьы  аџьшьаратә шәҟәқәа ранеишьоит. Пицунда ақалақь Ахадара ҧхынҷкәынмза 26, асааҭ 15:00 рзы Акурорт Апансионатқәа Реидгыла “Курорт Пицунда” азал аҿы еиҿкаахо аныҳәатә усмҩаҧгатә ахь уи азы агәазыҳәара змоу зегьы ааҧхьара рнаҭоит. 


(АП): Аусмҩаҧгатә аиҿкааҩ – Пицунда ақалақь Ахадара. Аусмҩаҧгатә аиҿкаараҿы ацхыраара ҟанаҵеит Аҧсны асоциал-культуратә аҧшьгарақәа Рфонд. Аинформациатә спонсор – Амобилтә еимадара “Аҟәафон-CSM”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа