Ажәабжьқәа

Популярное

Ақалақь Гал – 87 шақәса ахыҵит!

255
19.07.2019 14:49
Ақалақь Гал – 87 шақәса ахыҵит!
Гал ақалақь аҿы ақалақь Амш азгәаҭара иазку аныҳәатә усмҩаҧгатәқәа мҩаҧысуеит.

Аҟәа. Ҧхынгәымза 19. Аҧсныпресс. Мадина Чагәааҧҳа. Ақалақь Амш азгәаҭра иазку аныҳәатә усмҩаҧгатәқәа Аҧсны ахақәиҭреи ахьыҧшымреи зхы ақәызҵаз рбаҟа амҵан ашәҭ шьыҵәрақәа рышьҭаҵарала ихыцыркхеит.

Гал араион ахада ихаҭыҧуаҩ Наира Амалыиа иҟалҵаз адыррақәа рыла, аусмҩаҧгатәқәа иазҧхьагәаҭаз аамҭа сааҭк ала ихьшәаны иалагеит. Иара зыхҟьаз амш ахьыцәгьахаз ауп, аха уи араион ауааҧсыреи асасцәеи ргәалаҟазаара акала иаҧырхагамхаӡеит.



Араион акультура Аҩны аҿаҧхьа иҟоу апарк аҿы ақыҭанхамҩатә иармарка мҩаҧысуеит.

Асааҭ 12:00 рзы акаҭран аҿы ахәҷтәы сахьатә усумҭақәа рцәыргақәҵа мҩаҧысит.



Анаҩс, Араионтә культура Аҩны аҿы аспектакль “Махаз” дырбахеит.



“Мырзаҟантәи аҧсуаа” Реизара Ду аҿы ажәахә ҟаҵо дықәгылеит анаукеи, акультуреи, аҵарадырреи рзы Аҳәынҭқарра Ахада иабжьгаҩ Владимир Занҭариа. Уи араион ҭоурыхла иамоу аҵакы дазааҭгылеит, еизаз зегьы аныҳәа рыдиныҳәалеит, ирзеиҕьаишьеит аҭынчреи аизҳазыҕьареи. 

“Ақалақь Амш – милаҭла изеиуазаалакгьы, динхаҵарас иныҟәыргозаалакгьы, занааҭс ирымазаалакгьы, ақалақь ауааҧсыра зегьы еиднакылоит. Ҳара зегьы гәыкала ҳақалақь бзиа иаабоит, уи шықәсырацәалатәи аҭоурыхи атрадициақәеи ҳрызгәдууп. Гал злеицырдыруа зегьы – абиҧарақәа инеиҧынкыланы хәызмаӡам рлагала ду иабзоуроуп", – ҳәа иҟаиҵаз адныҳәаларатә ажәахә аҿы иазгәеиҭеит Гал араион Ахадара аиҳабы инапынҵақәа назыгӡо Ҭемыр Надараиа.   

Асааҭ 12:00 рзы ирылагеит арбаратә спорттә усмҩаҧгатәқәа. Урҭ асааҭ 18:00 рҟынӡа имҩаҧыслоит.

Аныҳәатә мшы ахыркәшамҭаз аныҳәатә концерти асалиути мҩаҧгахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа