Ажәабжьқәа

Популярное

Ақалақь Очамчыра иацәыхарамкәа арратә нҵамҭа зынҩаалоу ахаҳәҟьаҧс аҧҽыха рыҧшааит

601
09.08.2019 12:53
Ақалақь Очамчыра иацәыхарамкәа арратә нҵамҭа зынҩаалоу ахаҳәҟьаҧс аҧҽыха рыҧшааит
Аҧсны амрагыларатәи аган аҿы аҧснытәии урыстәылатәии археологцәа русеицурала еиҿкаауп аекспедициа. Уи напхгара арҭоит Аркади Џьопууеи Александр Скакови.

Аҟәа. Нанҳәамза 9. Аҧсныпресс. Дамеи Касланӡиа. Аҧсны Аҳәынҭқарратә музеи анапхгаҩы Аркади Џьопуа Аҧсныпресс акорреспондент диҿцәажәо аҧснытәии урыстәылатәии археологцәа русеицурала еиҿкаау аекспедициа амҩаҧгараан иҧшааз аҧшаамҭа далацәажәеит.

Аркади Џьопуа иҟаиҵаз адыррақәа рыла, аекспедициа абар шьҭа ҩымчыбжь иалагӡаны аусура мҩаҧнагоит. Ҳаамҭазтәи ақалақь Очамчыра иацәыхарамкәа, ажәытә қалақь Гуенес ахьыҟаз аҭыҧ аҿы, ҳера VI ашәышықәса иаҵанакуа ахаҳәҟьаҧс аҧҽыха рыҧшааит. Иарбоу ахаҳәҟьаҧс аҭҧантәи ахырҕәҕәарҭақәа рҿы усҟантәи аамҭазы игылаз аныхабаа аҧҽыха акәзаргьы ҟалоит. Араҟа 1980-тәи ашықәсқәа рзы аҭҵаарақәа мҩаҧыргахьан С. М. Шамба напхгара зиҭоз експедициа алахәылацәа. Иарбоу ахаҳәҟьаҧс ианҩаалоуп 7 нбанк рыла иҟоу аҩыра. Аҧсни Урыстәылеи рҟынтәи аспециалистцәа  еицҿакны ирымоу агәаанагарала, ари арратә ҩыра ауп. Ари аҧшаамҭа иуникалтәу акакәны иҟоуп Мраҭашәаратәи Кавказнҭыҵтәи арегион азы”, – ҳәа иҳәеит иара.

Аркади Џьопуа иажәақәа рыла: “Ари аҩыра макьаназы еиҭагаӡам, аха аспециалистцәа уи аус адулара иалагахьеит. Аекспедициа аусра иабзоураны иаарҧшыз ахаҳәҟьаҧс аҧҽыхеи, егьырҭ аинтерес зҵоу аҧшаамҭақәеи Аҧснытәи аҳәынҭқарратә музеи аекспозициаҿы иқәыргылахоит”.

Аҧснытәии урыстәылатәии археологцәа рекспедициа аусура нанҳәамза 20 рҟынӡа имҩаҧыслоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа