Ажәабжьқәа

Популярное

Аҳазылхратә статистика адыррақәа рыла, Аҧсны адәныҟа-хәаахәҭратә еикәыршара, ҳазҭоу ашықәс актәи азыбжазы 11 миллиарди 689 миллион мааҭи рҟынӡа инаӡеит

159
30.07.2019 10:42
Аҳазылхратә статистика адыррақәа рыла, Аҧсны адәныҟа-хәаахәҭратә еикәыршара, ҳазҭоу ашықәс актәи   азыбжазы 11 миллиарди 689 миллион мааҭи рҟынӡа инаӡеит
2018 шықәсазы аиҧш-зеиҧшу аамҭахәҭа иаҿырҧшны, Аҧсны адәныҟа-хәаахәҭратә еиикәыршара 11% рыла еизҳаит.

Аҟәа. Ҧхынгәымза 30. Аҧсныпресс. Аҧсны Ахадара аофициалтә саит аҿы ҳазҭоу ашықәс актәи азыбжазы Аҧсны адәныҟаекономикатә усура алҵшәақәа ааркьаҿны ианылеит.

Убас, “Аҳазылхратә статистика адыррақәа рыла, Аҧсны адәныҟа-хәаахәҭратә еикәыршара, ҳазҭоу ашықәс актәи азыбжазы 11 миллиарди 689 миллион мааҭи рҟынӡа инаӡеит. Уи 2018 шықәсазы аиҧш-зеиҧшу аамҭахәҭа иаҿырҧшны, Аҧсны адәныҟа-хәаахәҭратә еиикәыршара 11% рыла еизҳаит, аекспорт – 3 млрд 189,2 млн мааҭ (29% рыла аизырҳара), аимпорт – 8 млрд 500,2 млн мааҭ (5% рыла аизырҳара). 

Адәныҟаекономикатә усура алҵшәақәа рыла, ҳазҭоу ашықәс актәи азыбжазы Аҧсныҟа иалагалаз атауарқәа рыхәҧса 8 млрд 500 млн мааҭ рҟынӡа инаӡоит. Убас ала, иҳаҩсыз ашықәс иаҿырҧшны, аимпорт аизырҳара 431 млн мааҭ рҟынӡа инаӡеит. Ҳазҭоу ашықәс актәи азыбжа иалагӡаны атауарқәа рекспорт 3 млрд 189 млн мааҭ рҟынӡа инаӡеит. Уи 2018 шықәсазы, аиҧш-зеиҧшу аамҭахәҭа иаҿырҧшны уахәаҧшуазар, 709,4 млн мааҭ рыла еиҳауп.

Аҧсны Аҳәынҭқарра адәныҟатәи ахәаахәҭра аструктура аҿы, аекономикатә партниор дуӡӡа аҳасабала иҷыдоу аҭыҧ ааннакылоит Урыстәылатәи Афедерациа. 2019 шықәсазы уи ахәҭаахь  Аҧсны азеиҧштауареикәыршара аҟынтәи 56% аҵанакит, Ҭырқәтәыла акәзар – 12%, Молдова – 3%, Италиа – 2,2%, егьырҭ атәылақәа – 27%.

2019 шықәса актәи азыбжазы Аҧсныҟа атауар алазгалоз атәылақәа иреиуан: Урыстәылатәи Афедерациа – Аҧсны Аҳәынҭқарра аимпорт азеиҧш шәагаа аҟынтәи 66%, Ҭырқәтәыла – 3%, Молдова – 5%,  Италиа – 3%,  Бразилиа – 2%, егьырҭ атәылақәа – 21%.

Аҧсны Аҳәынҭқарра аҳазылхратә Еилакы астатистикатә дыррақәа  атуризми атуристтә маҵзуреи русхкы аҿы адәныҟаекономикатә усура арбагақәа аламлаӡеит”.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа