Ажәабжьқәа

Аҧсны Аҩбатәи Ахада Сергеи Багаҧшь ибаҟа иреиҕьу апроект азы иаарту жәларбжьаратәи аконкурс мҩаҧгахоит

155
01.07.2019 12:39
Аҧсны Аҩбатәи Ахада Сергеи Багаҧшь ибаҟа иреиҕьу апроект азы иаарту жәларбжьаратәи аконкурс мҩаҧгахоит
Аконкурс алахәхаразы азыҳәамҭақәа рыдкылара мҩаҧыслоит ҧхынгәымза 1, 2019 шықәса инаркны лаҵарамза 1, 2020 шықәса рҟынӡа.

Аҟәа. Ҧхынгәымза 1. Аҧсныпресс. Аҧсны Аҳәынҭқарра Аҩбатәи Ахада Сергеи Уасаил-иҧа Багаҧшь 70-шықәса ихыҵра азгәаҭара иазку аусмҩаҧгатәқәа рымҩаҧгара аҳәаақәа ирҭагӡаны, амонументалтә ҟазара азы аминистрцәа Реилазаара аҟны иҟоу аҳәынҭқарратә Комиссиа Сергеи Багаҧшь ибаҟа иреиҕьу апроект азы иаарту жәларбжьаратәи аконкурс шымҩаҧгахо азы адырра аланарҵәеит.

Аконкурс алаҳәоуп С. У. Багаҧшь ибаҟеи, Аҟәа ақалақь аҿы иҟоу уи ихьӡ зху аплошьад аҭеиҭыҧш аиҕьтәреи, иара убас Очамчыра ақалақь аҿы, араион Ахадара ахыбра аҧхьа иргылахо абаҟеи рзы иреиҕьу апроект азы аконкурс алаҳәоуп.

Аконкурсттә проект абарҭ ахырхарҭақәа рыла адгалара мҩаҧыслоит: 
– абаҟа азы аннотациеи, уи асахьаркыратә ӡбамҭа ашьаҭаркреи;  
– абаҟа аргылараан ахархәара зауо амаҭәахәқәа, атехника-економикатә рбагақәа зну аилкааратә нҵамҭа; 
– змасштаб 1:500 рҟынӡа инаӡо аситуациатә план;
– змасштаб 1:200 рҟынӡа инаӡо аплан хада;  
– змасштаб 1:10, мамзаргьы 1:50 рҟынӡа инаӡо егьырҭ апланқәа; 
– змасштаб 1:10, мамзаргьы 1:50 рҟынӡа инаӡо разрезы;
–змасштаб 1:10, мамзаргьы 1:50 рҟынӡа инаӡо абаҟа ахаҿытә ганқәа зегьы;
 – амакет (алаҧшылатәи 3-д макет); 
– змасштаб 1:10, мамзаргьы 1:20 рҟынӡа инаӡо аскульптура амакет.

Аконкурстә проектқәа акомпиутертә графика ала инагӡахоит. Афаил ашәагаа 20 Mb еиҳамзароуп, уи апланшет аҿы ахәаҧшразы инагӡаны ирхианы аелектронтә пошьтала идәықәҵахоит, адгаларатә (адемонстрациатә) материал апланшетқәа, мамзаргьы аиқәаҵәа-шкәакәала, иара убас ҧшшәырацәала еилоу, зшәагаа 140 см (аура), 90 см (аҭбаара) ыҟоу, зхыҧхьаӡара х-цырак рҟынӡа инаӡо, икьакьоу акартон ала адгалара мҩаҧысуеит.

Аконкурс алахәхаразы азыҳәамҭақәа рыдкылара мҩаҧыслоит ҧхынгәымза 1, 2019 шықәса инаркны лаҵарамза 1, 2020 шықәса рҟынӡа.

Ереиҕьу апроект алкааразы амонументалтә ҟазара азы аҳәынҭқарратә Комиссиа аилатәара мҩаҧгахоит рашәарамза 29, 2020 шықәса рзы.

Азҵаарақәа зегьы, апроекттә ажәалагалақәа, иарбоу аконкурс иадҳәалоу акорреспонденциа абри аҭыӡҭыҧ ала идәықәҵазароуп: Аҧсны Аҳәынҭқарра акультуреи аҭоурых-культуратә ҭынха ахьчаразы Аминистрра, ақ. Аҟәа, Лакоба имҩаду, аҩ.21, 384900, e-mail: mc_ra@mail.ru, аҭел/афакс:+7(840)229-75-42.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа