Ажәабжьқәа

Популярное

Аҧсныҟа иааит хыхәҭакны еилоу агрипп чымазара азы алаҵа актәи апартиа

323
02.10.2019 12:42
Аҧсныҟа иааит хыхәҭакны еилоу агрипп чымазара азы алаҵа актәи апартиа
Агрипп чымазара азы алаҵа аҟаҵара ареспублика аполиклиникақәа рҿы хәыда-ҧсада иҟалоит.

Аҟәа. Жьҭаарамза 2. Аҧсныпресс. Аҧсныҟа иааит хыхәҭакны еилоу агрипп чымазара азы алаҵа “Ультрикс форте” актәи апартиа. Абри атәы аанацҳауеит агәабзиарахьчара Аминистрра апресс-маҵзура.

Зынӡа Аҧсны агәабзиарахьчара Аминистрра 15 нызықь доза рҟынӡа агрипп чымазара азы хыхәҭакны еилоу алаҵа аҿаҵа ҟанаҵеит. Ҳазҭоу амчыбжь нҵәаанза апартиа  ҿыц аара иазыҧшуп.

Ареспублика асанитартә ҳақьым хада Лиудмила Скорик ишазгәалҭаз ала, ари зхаҭабзиара ҳараку, аконсервант ада иҟаҵоу, урыстәылатәи хыхәҭакны еилоу агрипп чымазара азы алаҵа ауп. “Аҧсныҟа иаагахо агрипп ачымазара уацәызыхьчо авакцина партиак аҿы иаанкылахом, уажәазы иаагоуп зынӡа иҿаҵаз аҟынтәи ахҧатәи ахәҭа.  Ареспублика аҿы авакцинациа амҩаҧгаразы аамҭа ҳамоуп ҳазҭоу ашықәс ҧхынҷкәынмза иалагӡаны, избан акәзар, ачымазара ацәырҵра ҳара ҳҿы иалагоит Ашықәс Ҿыц ашьҭахь, уи анаҩс аинфекциа аларҵәара мҩаҧысуеит”, – ҳәа еиҭалҳәеит лара.

Хыхәҭакны еилоу агрипп ачымазара уацәызыхьчо  авакцина “Ультрикс форте” Урыстәыла 2019 шықәсазы иҟаҵан. Уи ахархәаразы абжьгара ҟанаҵоит Адунеизегьтәи агәабзиарахьчара Аиҿкаара. Аҧсныҟа ари авакциана ааган иахәҭоу аҧхаратә ҭагылазаашьақәа ирықәыршәаны, уи зырҵабырго ақьаадқәа зегьы агәаҭара иахысит,  анормақәа зегьы ирықәшәоит ҳәа иазгәалҭеит аҳақьым.

Лиудмила Скорик лажәақәа рыла, зегьы раҧхьаӡа иргыланы, згәабзиара уашәшәыроу ауаа роуп алаҵа ззыҟаҵатәу. Уи – зықәрахь инеихьоу ауаа, ахәыҷқәа, арыҧҳа чымазарақәа зыхьуа ауаа, ашьақар ҷымазара змоу, иара убас  зиммунитет лаҟу ауаа роуп.

Агрипп чымазара азы алаҵа аҟаҵара ареспублика аполиклиникақәа рҿы хәыда-ҧсада иҟалоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа