Ажәабжьқәа

Популярное

Аҧсны аҩныҵҟатәи аусқәа рминистр ихаҭҧуаҩцәа шьақәырҕәҕәоуп

199
25.12.2017 14:14
Аҧсны аҩныҵҟатәи аусқәа рминистр ихаҭҧуаҩцәа шьақәырҕәҕәоуп
Акандидатурақәа рыдгалара Аҧсны аҩныҵҟатәи аусқәа Рминистрра инарҭбаау аилатәара аҿы имҩаҧысит.

Аҟәа. Ҧхынҷкәынмза 25. Аҧсныпресс. Аҧсны аҩныҵҟатәи аусқәа Рминистрра аппарат хада хаҭалатәи аилазаара, ақалақьтә усбарҭақәеи аҩныҵҟатәи аусқәа араионтә ҟәшақәеи, аҧыҧшырҭатә хәҭақәеи аштабқәеи рнаҧхгаҩцәеи ахылаҧшырҭа иаҵанакуа аҟәшақәа рнаҧхгаҩцәеи, иара убас апрокурор Хада Зураб Ачбеи Аҧсны аҳәынҭқарратә шәарҭадара Амаҵзура ахантәаҩы актәи ихаҭыҧуаҩ Дазмир Шамбеи алархәны имҩаҧгаз инарҭбаау аилатәара аҿы, атәыла аҩныҵҟатәи аусқәа рминистр Гарри Аршба ареспублика аҿы ишьақәгылаз аоперативтә ҭагылазаашьеи аҩныҵҟатәи аусқәа Рминистрра иаҵанакуа аусбарҭақәеи аҟәшақәеи русура аихшьаалақәеи дрылацәажәеит.

Иара убас,, Гарри Аршба хаҭалатәи аилазаара рҿаҧхьа аминистрцәа Реилазаара Ақәҵарала иҟаҵоу аминистр ихаҭыҧуаҩцәа рыдгалара мҩаҧигеит: 
– Казбек Кишмахов – Аҧсны Аҩныҵҟатәи аусқәа рминистр актәи ихаҭыҧуаҩ, акриминалтә милициа анаҧхгаҩы-аҩныҵҟатәи аусқәа русбарҭақәа рҿы 2000 шықәса раахыс аус зухьо, акоррупциа аҿагылареи аекономикатә шәарҭадареи Русбарҭа, аекстремизми атерроризми рыҧхьырҟәҟәаара азы Ацентр, еиҿкаау ацәгьоура аҿагыларазы Аусбарҭа, уҳәа  Урыстәылатәи Афедерациа аҩныҵҟатәи аусқәа Рминистрра аҟәшақәа жәпакы рҿы амаҵзура дахысуан, аибашьра аветеран, амедалқәеи аорденқәеи рыла далкаауп;
– Леван Кәарцхьиа – Аҧсны Аҩныҵҟатәи аусқәа рминистр ихаҭыҧуаҩ, ауаажәларратә шәарҭадара амилициа анаҧхгаҩы – 20-шықәса ирылагӡаны аҩныҵҟатәи аусқәа Рминистрра аусбарҭақәа рҿы аус иухьеит, Аҳәынҭқарратә автоинспекциа аинспектор еиҳабы иҟынтәи Аминистрра аҿы аппарат хада анаҧхгаратә маҵураҭыҧқәа рҟынӡа амилициатә мҩа данысит, изныкымкәа ахылаҧшырҭатә зшьаратә дыргақәа рыла далкаахахьеит, Аҧсны Аҩныҵҟатәи аусқәа Рминистрра ҳаҭыр зқәу аусзуҩ, 1992-93 шш. Аҧсны Аџьынџьтәылатәи еибашьра  аветеран.

Гарри Аршба иколлегацәа ироуз амаҵураҭыҧқәа рыдныҳәало доусы ахылаҧшырҭа зырҭо аҟәшақәа хаҭалатәи аилазаарақәа алархәны хра злоу, алҵшәа бзиа аазырҧшуа аусеицура аиҿкаара шхымҧадатәиу азгәеиҭеит.

Аминистр аҩныҵҟатәи аусқәа русбарҭақәа хаҭалатәи аилазаара рзанааҭдырра аҩаӡара аизырҳара иазырхоу аусмҩаҧгатәқәа рынагӡареи амаҵуратә леишәа аилагара алмыршареи, иара убас аусеилыргаратә усбарҭеи аҳәынҭқарратә автоинспекциеи ахатәы шәарҭадара амаҵзуреи аҧыҧшырҭатә хәҭақәеи русура  аиҿкаареи рзы адҵақәа ҟаиҵеит.

Гарри Аршба амилициа аусура аганахьала апрофилактикатә еиҧш, аоператив-ҧшааратә азҧхьагәаҭарақәа ҟаиҵеит. Убри аан урҭ зегьы ацәгьоурақәа рыҧхьырҟәҟәаареи реилыргареи, иааизакны иуҳәозар ареспублика аҿы аҭагылазаашьа иҭышәынтәаланы аҟаҵареи ирзырхоуп ҳәа инаҵшьны иазгәеиҭеит аҩныҵҟатәи аусқәа рминистр.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа