Ажәабжьқәа

Популярное

Аҧсны Аҳәынҭқарра Ахада Аахыҵ Уаҧстәыла – Аланиа аделегациа идикылеит

537
09.10.2019 23:21
Аҧсны Аҳәынҭқарра Ахада Аахыҵ Уаҧстәыла – Аланиа аделегациа идикылеит
Аахыҵ  Уаҧстәыла – Аланиа Ареспублика аделегациа Аҧсны Ахада имаҵура адкылара иадҳәалоу аныҳәатә церемониа алахәхаразы Аҧсныҟа иааит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба Аахыҵ Уаҧстәыла – Аланиа Аконституциатә Ӡбара Ахантәаҩы Станислав Кесаев напхгара ззиуа Аахыҵ Уаҧстәыла – Аланиа аделегациа идикылеит.
  
“Аладеи Аҩадеи Уаҧстәылатәи ҳашьцәеи ҳареи аимадара бзиақәа ҳабжьоуп, урҭ есааира рыҽдырҭбаауеит. Ари ҳара ҳзы акраҵанакуеит, урҭ реизырҳара аҭахуп ҳәа иҳаҧхьаӡоит. Ҿыц игыло абиҧарақәагьы арҭ аимадарақәа рырҕәҕәара, реизырҳара амҩа ианаҳҵароуп”, – ҳәа иазгәеиҭеит Аҳәынҭқарра Ахада.

Станислав Кесаев Аҳәынҭқарра Ахада иҭабуп ҳәа еиҳәеит иҟаиҵаз адкыларазы, Аҳәынҭқарра Ахада имаҵураҟны ақәҿиарақәеи аихьӡарақәеи изеиҕьеишьеит.

“Иҟашәҵаз ацҳамҭа даара иаҳгәаҧхеит, зегьы ииашаны иазгәашәҭеит. Ихадароу – шьҭа анапхгара ҿыц ихацырку аусқәа ирыцырҵароуп. Гәык-ҧсыкала ишәыдаҳныҳәалоит, ишәзеиҕьаҳшьоит ақәҿиарақәа, иахьаҭаху шәыдгылара ҳазхиоуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа