Ажәабжьқәа

Популярное

Аҧсны Аҳәынҭқарра Ахада Ҟарачы-Черкесстәи Ареспублика Жәлар Реизара – Апарламент Ахантәаҩы ихаҭыҧуааҩ дидикылеит

545
09.10.2019 20:20
Аҧсны Аҳәынҭқарра Ахада Ҟарачы-Черкесстәи Ареспублика Жәлар Реизара – Апарламент Ахантәаҩы ихаҭыҧуааҩ дидикылеит
Мусса Екзеков Рауль Ҳаџьымба Аҳәынҭқарра Ахада имаҵураҭыҧ ахагылара идиныҳәалеит, ари аҭакзыҧхықә маҵураҿы ақәҿиарақәеи аихьӡарақәеи изеиҕьаишьеит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба  Ҟарачы-Черкесстәи Ареспублика Жәлар Реизара – Апарламент Ахантәаҩы ихаҭыҧуааҩ, Адунеизегьтәи аҧсуа-база жлар Рконгресс Иреиҳаӡоу Ахеилак Ахантәаҩы Мусса Екзеков диҧылеит.

Мусса Екзеков Рауль Ҳаџьымба Аҳәынҭқарра Ахада имаҵураҭыҧ ахагылара идиныҳәалеит, ари аҭакзыҧхықә маҵураҿы ақәҿиарақәеи аихьӡарақәеи изеиҕьаишьеит. 

Мусса Екзеков Ахада дидныҳәалеит, аҳәынҭқарра Ахада имаҵураҟны аихьӡарақәа изеиҕьеишьеит: “Гәык-ҧсыкала ишәзеиҕьасшьар сҭахуп зыгәрагоу, рҿаҧхьа иқәшәыргыло аҳасабтәқәа лассы, хаҭабзиара ҳаракыла рынагӡара зылшо, азыҟаҵара змоу аусзуҩцәа реидкылара. Ҳара зегьрыла уи ҳацхраалоит, ҳаидгыланы ҧхьаҟа ҳцалоит, Аҧсны зҧеиҧш адызҳәало аҳәаанхыҵ иҟоу ҳџьынџьуаа рзы алшара дуқәа аҧаҳҵалоит. Ари аҳәынҭқарра аргылараҟны ицхыраагӡа дууп ҳәа сгәы иаанагоит. Ақәҿиарақәеи аихьӡарақәеи шәыдыскылоит, ҳарҭ ҳаидгыланы аус еицаҳаулароуп”, – ҳәа  иҳәеит иара.

Аҳәынҭқарра Ахада Мусса Екзеков адныҳәаларазы иҭабуп ҳәа еиҳәеит, иазгәеиҭеит Нхыҵ Кавказ ажәларқәеи ҳареи ҳаимадара иамоу аҵак ду.

“Ҟарачы-Черқьестәи ҳашьцәа иреиҕьу азеиҕьашьарақәа рыдыскылоит. Аамҭа хьанҭақәа раан иааны иҳадгылеит, иҳацхрааит. Иахьа, аҭынч ҧсҭазаараангьы ҳаидгылазароуп, ҳҿаҧҳьа иқәгылоу аҳасабтәқәа рыӡбараҟны ҳаицхыраароуп”, – ҳәа иазгәеиҭеит Аҳәынҭқарра Ахада.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа