Ажәабжьқәа

Популярное

Аҧсны Аҳәынҭқарра Ахада иалхрақәа ҧхынгәы 21 рзы имҩаҧгахоит

45
04.04.2019 11:43
Аҧсны Аҳәынҭқарра Ахада иалхрақәа ҧхынгәы 21 рзы имҩаҧгахоит
Уи азы Ақәҵара рыдыркылеит Аҧсны Жәлар Реизара – Апарламент аилатәара аҿы.

Аҟәа. Мшаҧымза 4. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы “Аҧсны Аҳәынҭқарра Ахада иалхрақәа рымҩаҧгара арыцхә ашьақәырҕәҕәара азы” Ақәҵара рыдыркылеит.

Аусшәҟәы адгалара мҩаҧигеит Аҧсны Жәлар Реизара – Апарламент аиҳабы Валери Кәарҷиа: “цәыббрамза 25, 2014 шықәса рзы Аҧсны Аҳәынҭқарра Ахада измаҵураҭыҧ дахагылеит. Изынмчы аҽҳәара хыркәшахоит цәыббрамза 25, 2019 шықәса рзы. Лаҵарамза 25, 2019 шықәса иахымгакәа адепутатцәа алхрақәа рымҩаҧгара арыцхә шьақәдырҕәҕәароуп. Убри аан уи, рашәарамза 25, ҧхынгәымза 25 рыбжьара ирҭагӡазароуп. Ҧхынгәымза 21 Аҧсны Аҳәынҭқарра Ахада иалхрақәа рымҩаҧгаразы адгалара мҩаҧгоуп.

Аилацәажәарақәа рышьҭахь, Аҧсны Аҳәынҭқарра Ахада изаамҭанытәиу иалхрақәа рымҩаҧгара ҧхынгәымза 21 рзы ишьақәырҕәҕәоуп.

Ақәҵара рыдыркылеит 20 бжьы рақәшаҳаҭрала, убри аан 11 ҩык мап ркит, аӡәы абжьыҭира иҽалаимырхәӡеит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа