Ажәабжьқәа

Аҧсны Аҳәынҭқарра Ахада иалхрақәа нанҳәамза 25 рахь аиагара азы ажәалагала ҟаҵоуп

183
22.05.2019 00:39
Аҧсны Аҳәынҭқарра Ахада иалхрақәа нанҳәамза 25 рахь аиагара азы ажәалагала ҟаҵоуп
Ари аӡбамҭа Аҳәынҭқарра Ахада аоппозициа ахаҭарнакцәеи иареи реиҿцәажәара аҿы идикылеит.

Аҟәа. Лаҵарамза 22. Аҧсныпресс. Дамеи Касландӡиа. Аҧсны Жәлар Реизара – Апарламент ахыбра аҧхьа имҩаҧгаз амитинг аҿы дықәгыло аҳәынҭқарра ахьчара азы Азеиҧшмилаҭтә еидгылара аштаб анапхгаҩы Ҭеимураз Хышба, атәыла Анапхгареи аоппозициеи рыбжьара аиқәшаҳаҭра бжьаҵоуп ҳәа аҳәамҭа ҟаиҵеит.

Ҭеимураз Хышба инаҵшьны иазгәеиҭеит: “Аҳәынҭқарра Ахада аконституциатә нормақәа ҳасаб рзуны иахьынӡазалшоз ала иқәгылоу азҵаара ахшыҩзышьҭра аиҭеит. Уи Аҳәынҭқарра Ахада иалхрақәа арыцхә нанҳәамза 25 рахь аиагара шзалыршахо азгәеиҭеит. Иара убас, Аслан Гьаргь-иҧа ашәҟәҭагалара иҽалаимырхәыргьы алшоит, абызшәазы аҧышәарагьы имҭиир ҟалоит. Аҳәынҭқарра Ахада ихаҭагьы ишьақәирҕәҕәоит Аслан Бжьаниа шьахәлаҵәҟьа ихатәы бызшәа шидыруа”.

Ҭеимураз Хышба Рауль Ҳаџьымба иҟаиҵаз аӡбамҭа азы иҭабуп ҳәа еиҳәеит. Иара убас уи иҭабуп ҳәа реиҳәеит атәылахьчара аминистр Мираб Кьышьмариеи азинхьчаратә усбарҭақәа русзуҩцәеи иаадырҧшыз ачҳареи, иҟарҵаз ацхыраареи рзы.

Аиҿцәажәараан ирыбжьарҵаз аиқәшаҳаҭрақәа рылаҳәара ашьҭахь, амитинг иалаз ауаа аимпра иалагеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа