Ажәабжьқәа

Популярное

Аҧсны Аҳәынҭқарра Ахада Рауль Ҳаџьымба Иури Лужков иҧсҭазаара иалҵра инамаданы адышшылара ҟаиҵеит

495
10.12.2019 17:08
Аҧсны Аҳәынҭқарра Ахада Рауль Ҳаџьымба Иури Лужков иҧсҭазаара иалҵра инамаданы адышшылара ҟаиҵеит
“Аҧсны есқьынгьы ахә ҳаракны иршьон Иури Михаил-иҧа Аҧсны жәлар рышҟа имаз азыҟазаашьа”, – ҳәа иаҳәоит адышшыларатә шәҟәы аҿы.

Аҟәа. Ҧхынҷкәынмза 10. Аҧсныпресс. Аҧсны Аҳәынҭқарра Ахада Рауль Ҳаџьымба асоветтә, урыстәылатәи аҳәынҭқарратә, аполитикатә усзуҩы, “Аҧсадгьыл аҿаҧхьа алшамҭақәа рзы” аорден занашьоу Иури Лужков иҧсҭазаара иалҵра инамаданы адышшылара ҟаиҵеит.

Адышшылара атекст аҟны иҳәоуп:

“Аҧсны Аҳәынҭқарра анапхгара, Аҧсны жәлар рыхьӡала, хаҭала сара сҟынтә урыстәылатәи аҳәынҭқарратә, аполитикатә усзуҩы, “Аҧсадгьыл аҿаҧхьа  алшамҭақәа рзы” аорден занашьоу Иури Михаил-иҧа Лужков иҧсҭазаара иалҵра инамаданы гәалсра дула адышшылара ҟасҵоит.

Идунеи иҧсахит зыҧсадгьыл азы ипатриот иашаны иҟаз аҳәынҭқарратә усзуҩы ду. Иури Михаил-иҧа агәамч ду змаз, ааҧсарада аусура зылшоз, уаҩы лахҿыхны дыҟан, иуадаҩыз Асовет Еидгыла анхыбгала ашьҭахьтәи аамҭақәа раан аҳҭнықалақь Москва напхгара аҭо, уи азы иҟаиҵаз рацәоуп.

Аҧсны есқьынгьы ахә ҳаракны иршьон Иури Михаил-иҧа Аҧсны жәлар рышҟа имаз азыҟазаашьа. Москва ахадас даныҟаз, Иури Михаил-иҧа изныкымкәа Аҧсны даҭаахьан. Иара хаҭала илшамҭоуп урыстәыла-аҧснытәи ауаажәларратәи акультуратәи еимадарақәа рышьақәыргылара.

Ари ауаҩ шьахә игәалашәара ахааназ ҳагәқәа рыҟны инхоит.

Гәалсрала ҳрыдышшылоит Иури Михаил-иҧа иуацәеи иҭынхацәеи, ргәырҩа рыцеиҩаҳшоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа