Ажәабжьқәа

Популярное

Аҧсны Аҳәынҭқарратә парк “Кәыдрытәи аҩхаа” анапхгараҭара азы аҳәынҭқарратә усбарҭа аҧҵахоит

123
26.07.2019 15:00
Аҧсны Аҳәынҭқарратә парк “Кәыдрытәи аҩхаа” анапхгараҭара азы аҳәынҭқарратә усбарҭа аҧҵахоит
Аҧсны аминистрцәа Реилазаара иҷыдоу Ақәҵарала амилаҭтә парк “Кәыдрытәи аҩхаа” анапхгараҭаразы аамҭаҧҵәа шьақәнаргылоит.

Аҟәа. Ҧхынҷкәынмза 26. Аҧсныпресс. Ҭамара Ачҧҳа. Аҧсны аминистрцәа Реилазаара аилатәара аҿы “Аҧсны Аҳәынҭқарра амилаҭтә парк “Кәыдрытәи аҩхаа” анапхгараҭара азы” иҷыдоу Ақәҵара рыдыркылеит.

Аусшәҟәы адгалара мҩаҧго, Аҧсны аекологиеи аҧсабара ахьчареи рзы аҳәынҭқарратә Еилакы ахантәаҩы Савели Ҷыҭанаа, иарбоу Ақәҵара амилаҭтә парк “Кәыдрытәи аҩхаа” анапхгараҭареи, уи аҵакыраҿы иҷыдоу ахылаҧшразы арежим ашьақәыргылареи ирзырхоуп ҳәа инаҵшьны  иазгәеиҭеит.

Убри аан, Ақәҵара аекологиеи аҧсабара ахьчареи рзы аҳәынҭқарратә Еилакы амилаҭтә парк “Кәыдрытәи аҩхаа” анапхгараҭаразы, жьҭаарамза 1, 2019 шықәса иахымгакәа аҳәынҭқарратә аҧсабарахьчаратә усбарҭа аҧҵара азы аҧҟадҵа анаҭоит; ҧхынҷкәынмза 31, 2019 шықәса иахымгакәа Аҧсны аминистрцәа Реилазаара ахь еиқәыршәаны адгалара мҩаҧнагароуп амилаҭтә парк “Кәыдрытәи аҩхаа” аҳәаакреи, иара убас уи аҵакыра ахсаалеи зныҧшуа аусшәҟәы. Адгьылхархәареи акадастри рзы Аҧсны аҳәынҭқарратә усбарҭеи, иара убас Гәылрыҧшьи Очамчыреи рраионқәа Рхадарақәа, ҧхынҷкәынмза 31, 2019 шықәса иахымгакәа, амилаҭтә парк “Кәыдрытәи аҩхаа” аҵакыра иаҵанакуа адгьылқәа ҽҳәарада иаҧҵахо аҳәынҭқарратә усбарҭа ахархәарахь ииаргароуп. Аҧсны Аҳәынҭқарра амазара анапхгараҭареи ахатәтәреи рзы аҳәынҭқарратә Еилаки Гәылрыҧшь араион Ахадареи амилаҭтә парк “Кәыдрытәи аҩхаа” аҵакыраҿы иҟоу аҳәынҭқарратә мазара иатәу аобиектқәа, иаҧҵахо аҳәынҭқарратә мазара ахархәарахь иианагароуп.  Аҧсны афинансқәа Рминистрра 2019 шықәсазы Аҧсны аҳәынҭқарратә биуџьет иазҧхьагәанаҭо аҭагылазаашьа  инақәыршәаны, иарбоу аусмҩаҧгатәқәа рфинанстәра мҩаҧнагароуп.

Аусшәҟәы аҟынтәи иҟоу адыррақәа рыла, Амилаҭтә парк “Кәыдрытәи аҩхаа” иҷыдоу аекологиатә, аҭоурыхтә, аестетикатә ҵакы змоу, аҧсабарахьчаратә, арккаратә, аҭҵаарадырратә, аиҭашьақәыргыларатә, акультуратә хықәкы анаӡаразы ахархәара зауа аҧсабаратә комплексқәеи, аобиектқәеи аҵанакуеит. Амилаҭтә парк азеиҧш ҵакыра 136 440 гектар рҟынӡа инаӡоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа