Ажәабжьқәа

Популярное

Аҧсны аҧыза-министр Валери Барцыц иуацәеи иҭахцәеи дрыдышшылеит

91
08.04.2019 12:58
Аҧсны аҧыза-министр Валери Барцыц иуацәеи иҭахцәеи дрыдышшылеит
“Ари иналукааша ауаҩы аиашазы ихьӡ иадҳәалоуп ҳтәылаҿы абҩарҵәыреи аспорти русхкқәа рыҿиара иадҳәалаз хадара злаз аӡбамҭақәа”, – ҳәа инаҵшьны иазгәеиҭеит Валери Бганба.

Аҟәа. Мшаҧымза 8. Аҧсныпресс. Аҧсны аҧыза-министр Валери Бганба, Аҧсны Амилаҭтә олимпиатә комитет апрезидент ихаҭыҧуаҩ, “Ахьӡ-Аҧша” III аҩаӡара  аорден  занашьоу, Аҧснытәи АССР абҩарҵәыреи аспорти зҽаҧсазтәыз аусзуҩ, аҽыбҕаҟазаратә спорт азы жәларбжьаратәи акатегориа змоу аӡбаҩ Валери Чынчор-иҧа Барцыц иуацәеи иҭахцәеи дрыдышшылеит.

“Валери Чынчор-иҧа  иҧсҭазаара алҵра – харҭәаашьа змам цәыӡ дуӡӡоуп аҧсуа спорти, иҳаҧхаз иуацәеи, иааигәаны дыздыруаз зегьы рзы. Ари иналукааша ауаҩы аиашазы ихьӡ иадҳәалоуп ҳтәылаҿы абҩарҵәыреи аспорти русхкқәа рыҿиара иадҳәалаз хадара злаз аӡбамҭақәа.

Аӡбаҩ иаҳасабала 1980 шықәсазы Москва ақалақь аҿы имҩаҧысуаз Аолимпиатә хәмаррақәа ихы аналаирхәуаз, уи Аҧсни, аҳәаанырцәтәи атәылақәеи рҿи ахьӡи аҳаҭыр дууи ирҳаит.

50-шықәса инареиҳаны Валери Чынчор-иҧа бзиа иибоз изанааҭ иазикит. Ҳара ари абаҩхатәра ду злаз, зыҧсадгьыл гәыкала амаҵ азызуаз ауаҩ иаша игәалашәара наунагӡа ҳгәаҵаҿы иаанхоит”, – ҳәа иаҳәоит адышшыларатә шәҟәы аҿы.

Аҧсны аҧыза-министр иҭижьыз Ақәҵарала, Валери Чынчор-иҧа  Барцыц иҧсыжра аиҿкааразы акомиссиа аҧҵоуп. Уи хантәаҩыс дыҟоуп Асҭамыр Кецба.

Валери Чынчор-иҧа Барцыц аҵыхәтәантәи имҩахь анаскьагара иадҳәалоу алахьеиқәҵагатә церемониа, мшаҧымза  9, асааҭ 14:00 рзы, Гәдоуҭа ақалақь акультура Ахан аҿы имҩаҧгахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа