Ажәабжьқәа

Аҧсны адипломат ҿарацәа Рхеилак Евразиатәи аҵакыра иаҵанакуа адипломат ҿарацәа VI Афорум ахы аланархәуеит

104
10.07.2019 12:41
Аҧсны адипломат ҿарацәа Рхеилак Евразиатәи аҵакыра иаҵанакуа адипломат ҿарацәа VI Афорум ахы аланархәуеит
Евразиатәи аҵакыра иаҵанакуа адипломат ҿарацәа VI Афорум ҧхынгәымза 10-11 рзы имҩаҧгахоит.

Аҟәа. Ҧхынгәымза 10. Аҧсныпресс. Аҧсны адәныҟатәи аусқәа Рминистрра аҟны иҟоу адипломат ҿарацәа Рхеилак Евразиатәи аҵакыра иаҵанакуа адипломат ҿарацәа VI Афорум алахәхаразы Москваҟа ицеит. Афорум атема: “Евразиатәи аҵакыраҿы аинтеграциа хәы-шықәса ахыҵра 2014-2019 – лҵшәақәеи аперспективақәеи”.

Аделегациа аилазаараҿы иҟоуп Аҧсны адәныҟатәи аусқәа Рминистрра аҟны иҟоу адипломат ҿарацәа Рхеилак ахантәаҩы ихаҭыҧуаҩ Инар Ладариеи, Ахеилак алахәыла Инал Кәыҵниеи.

Аҧсны адәныҟатәи аусқәа Рминистрра аҟны иҟоу адипломат ҿарацәа Рхеилак ахантәаҩы ихаҭыҧуаҩ Инар Ладариа Аҧсныпресс акорреспондент диҿцәажәо иҟаиҵааз адыррақәа рыла, афорум рхы аладырхәраны иҟоуп 15 ҳәынҭқарра рҟынтәи 35-ҩык инарзынаҧшуа аделегатцәа.

“Урыстәыла адипломат ҿарацәа Рхеилак “Горчаков Ифонд” ацхыраарала имҩаҧнаго афорум аҿы Урыстәылатәи Афедерациа адәныҟатәи аусқәа Рминистрра анапхгара ахаҭарнакцәа,  урыстәылатәи ауаажәларра-политикатә усзуҩцәеи актуалра злоу жәларбжьаратәи аизыҟазаашьақәа рыла ражәахәқәа азҧхьагәаҭоуп. Иара убас, адипломат ҿарацәа VI Афорум аҳәаақәа ирҭагӡаны, аҧснытәии урыстәылатәии аҽартә дипломаттә еидгыларақәа рыбжьара аконсультациақәа VI араунд  мҩаҧгахоит. Аҿартә хеидкылақәа русура аҳәаақәа ирҭагӡаны, аусеицура абжьаҵара алацәажәара азҧхьагәаҭоуп”, – ҳәа иҳәеит Инар Ладариа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа