Ажәабжьқәа

Популярное

Аҧсны агәабзиарахьчара Аминистрра аҿы иҧхьагылоу урыстәылатәи амедицинатә центрқәа аусеицура рыбжьаҵаразы аиқәшаҳаҭрақәа реиқәыршәара мҩаҧысуеит

237
26.12.2017 10:58
Аҧсны агәабзиарахьчара Аминистрра аҿы иҧхьагылоу урыстәылатәи амедицинатә центрқәа аусеицура рыбжьаҵаразы аиқәшаҳаҭрақәа реиқәыршәара мҩаҧысуеит
Уи азы заанаҵтәи азааибагара Аҧсны агәабзиарахьчара аминистр Ҭамаз Ҵахнакиа Москваҟа аусуратә ҭаара амҩаҧгара иалагӡаны инагӡан.

Аҟәа. Ҧхынҷкәынмза 26. Аҧсныпресс. 2018 шықәсазы иҧхьагылоу урыстәылатәи амедицинатә центрқәа аусеицура рыбжьаҵаразы аиқәшаҳаҭрақәа рнапаҵыҩра азҧхьагәаҭоуп. Уи азы заанаҵтәи азааибагара Аҧсны агәабзиарахьчара аминистр Ҭамаз Ҵахнакиа Москваҟа аусуратә ҭаара амҩаҧгара иалагӡаны инагӡан. Абри атәы аанацҳауеит Аҧсны агәабзиарахьчара Аминистрра апресс-маҵзура. 

Ҭамаз Ҵахнакия иҟаиҵаз адыррақәа рыла: “Москваҟа аусцуратә ҭаара иалагӡаны Н.Н.Блохин ихьӡ зху Урыстәылатәи аонкологиатә наукатә центри Н. И. Пирогов ихьӡ зху Амилаҭтә медицина-ҧҟаратә ҭҵаарадырратә Центри, акардиологиа азы Амилаҭтә медицинатә ҭҵаарадырратә центри, А. Н. Бакулев ихьӡ зху агәыи ашьадеи рхирургиа азы Амилаҭтә медицинатә ҭҵаарадырратә центри рнаҧхгараҭарақәа рхаҭарнакцәа рҧылара мҩаҧысит. Аиҧыларақәа рҿы хара имгакәа Аҧсны агәабзиарахьчара Аминистрреи иарбоу аклиникақәеи рыбжьара аусеицуразы аҩганктәи аиқәшаҳаҭрақәа рнапаҵыҩра азы азааибагәара нагӡан. Иара убас Аҧсны агәабзиарахьчара Аминистрреи адипломшьҭахьтәи аҵарадырра азы Урыстәылатәи амедицинатә академиеи (РМАПО) рыбжьара аусеицура абжьаҵаразы Аиқәшаҳаҭра анапаҵыҩра мҩаҧысит”.
  
Убри аан Ҭамаз Цахнакиа иарбаз амедицинатә усбарҭақәа зегьы акыр шықәса инеиҧынкыланы Аҧсны агәабзиарахьчара Аминистрра адгылара арҭоит, уажәтәи аиқәшаҳаҭрақәеи азааибагареи ракәзар, уи шьҭа традициала ишьақәгылахьоу аусеицуреи аидгылареи рарҕәҕәара аазырҧшуа фактуп ҳәа иазгәеиҭеит. 

Иара убас, Аҧсны агәабзиарахьчара аминистр Ҭамаз Ҵахнакиа Москваҟа аусуратә ҭаара амҩаҧгара аҳәаақәа ирҭагӡаны, Урытәылатәи Афедерациа агәабзиарахьчара Аминистрра иаҵанакуа хәшәыла аиқәыршәара азы адепартамент аҿы аиҧыларақәа мҩаҧысит. Азинҷыда змоу ркатегориа иаҵанакуа ауааҧсыра хәшәыла реиқәыршәара азы Аиқәшаҳаҭра анагӡара иадҳәалоу азҵаарақәа ирылацәажәеит. Урыстәылатәи Афедерациа Аҳәынҭқарратә Дума аҿы Аиқәшаҳаҭра аратификациа амҩаҧгара  ашьҭахьҵәҟьа уи иарбоу апунктқәа рынагӡара иадҳәалоу аусура алагаразы, Аҧсны агәабзиарахьчара Аминистрра ала еиқәыршәоу аинвалидцәа рсиа заанаҵы ахәаҧшразы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа