Ажәабжьқәа

Популярное

Аҧсны атерриториалтә акзаара аилагареи аконституциа иаҿагыло аиҿцәажәарақәа рымҩаҧгареи рзы ашьауҕатә ҭакҧхықәра алагалоуп

621
12.12.2019 13:44
Аҧсны атерриториалтә акзаара аилагареи аконституциа иаҿагыло аиҿцәажәарақәа рымҩаҧгареи рзы ашьауҕатә ҭакҧхықәра алагалоуп
Ашьауҕатә Закәанеидкыла аиҭакрақәеи ацҵақәеи алагалоуп.

Аҟәа. Ҧхынҷкәынмза 12. Аҧсныпресс. Лана Ҵәыџьба/Елена Полуиан. Аҧсны Жәлар Реизара – Апарламент Аҧсны Ашьауҕатә Закәанеидкыла аиҭакрақәеи ацҵақәеи ралагалара иалацәажәеит.

Аусшәҟәы адгалара мҩаҧго, адепутат Рауль Лолуа аиҭакрақәа 29-тәи ахы иалагалоуп ҳәа адырра ҟаиҵеит. Иара убас, уи иажәақәа рыла, 29-тәи ахы ахәҭаҷ 273.1 ала ихарҭәаахоит. “Атерриториалтә акзаареи акьымсреи реилагара: “Ареспублика Аҧсны атерриториа зегьы, мамзаргьы уи ахәҭак аҟәыҭхара, уҳәа Ареспублика Аҧсны  аинтересқәа иаҿагыло ауснагӡатәқәа рымҩаҧгара азы 10-шықәса инаркны 15 шықәса рҟынӡа аҭакрала ашьауҕа алагалоуп”.

Иара убас, ахәҭаҷ 273.2 “Аконституциа еилазго аиҿцәажәарақәа, мамзаргьы аконституциа иаҿагыло аиқәшаҳаҭрақәа рыбжьаҵара азы” ашьауҕақәҵара азҧхьагәанаҭоит.  Ахәҭаҷ 273.3 “Ареспублика Аҧсны атерриториалтә акзаареи акьымсреи реилагара  иазырхоу аусмҩаҧгатәқәа рынагӡаразы иаарту ааҧхьарақәа рзы ашьауҕақәҵара азҧхьагәанаҭоит.  Иара убас, ахәҭаҷ 274.1 аҿы “Аҳәаанырцәтәи аҧшыхәратә маҵзура аҿы аусуразы” ашьауҕақәҵара азҧхьагәанаҭоит. Рауль Лолуа инаҵшьны ишазгәеиҭаз ала, иарбоу азакәан апроект уажәаҧхьа Жәлар Реизара – Апарламент аҧхьарақәа хҧа рҿы иалацәажәахьеит, аусшәҟәы аиҭакрақәеи ацҵақәа зегьи алагалоуп.

Абжьыҭирала азакәан апроект аҧшьбатәи аҧхьареи аҵыхәтәантәи аҧхьареи рҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа