Ажәабжьқәа

Аҧсны Ауаажәларратә Палата аҿы ахантәаҩы иалхрақәа мҩаҧысит

2363
20.02.2020 15:19
Аҧсны Ауаажәларратә Палата аҿы ахантәаҩы иалхрақәа мҩаҧысит
Аиҿкаара анапхгаҩыс далхын Гәыли Кьычба.

Аҟәа. Жәабранмза 20. Аҧсныпресс. Дырмит Басариа. Аҧсны Аҳәынҭқарра Ауаажәларратә Палата аҿы ахантәаҩи уи ихаҭыҧуаҩцәеи ралхрақәа мҩаҧысит.

Аиҿкаара ахантәаҩы имаҵураҭыҧ ахь иқәгылан ҩыџьа акандидатцәа – Гәыли Кьычбеи Витали Смыри.

Алхрақәа рылҵшәақәа рылаҳәо, аҧхьаӡаратә комиссиа ахантәаҩы Руслан Ҳашыг ишазгәеиҭаз ала, алхрақәа зынӡа рхы аладырхәит 31-ҩык Ауаажәларратә Палата алахәылацәа. Гәыли Кьычба лкандидатура азы 29-ҩык рыбжьы рҭиит.

Гәыли Кьычба илырҭаз агәрагара азы ҭабуп ҳәа ралҳәеит: “Сара сзы уи иҳатыр дууп, насгьы даараӡа иҭакҧхықәроуп. Ауаажәларратә Палата – ауаажәларреи анагӡаратә мчреи реимадара ҳәаақәызҵо усбарҭоуп. Ауаажәларратә Палата агәаанагара ахаангьы иазхьаҧшуан, амчгьы аман”.

Ауаажәларратә Палата ахантәаҩы даналырх ашьҭахь уи ихаҭыҧуаҩцәа ралхра мҩаҧысит. Ауаажәларратә Палата ахантәаҩы ихаҭыҧуаҩцәас иҟалеит Александр Страничкин, Низам Хапат, Витали Смыр.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа