Ажәабжьқәа

Популярное

Аҧсны Иҷыдоу аҭагылазаашьақәа рзы Аминистрра абазаҿы аҵара-зыҟаҵаратә курсқәа хацыркуп

125
02.11.2017 12:41
Аҧсны Иҷыдоу аҭагылазаашьақәа рзы Аминистрра абазаҿы аҵара-зыҟаҵаратә курсқәа хацыркуп
Азыҟаҵарақәа мҩаҧыргоит урыстәылатәи аҧсеиқәырхаҩцәа.
 
Аҟәа. Абҵарамза 2. Аҧсныпресс. Аҧсны Иҷыдоу аҭагылазаашьақәа рзы Аминистрра  ашьаҭаҿы урыстәылатәи аҧсеиқәырхаҩцәа имҩаҧырго аҵара-зыҟаҵаратә курсқәа хацыркуп. Абри атәы аанацҳауеит Иҷыдоу аҭагылазаашьақәа рзы Аминистрра апресс-маҵзура.   

Урыстәылатәи аҧсеиқәырхацәа х-хырхарҭак рыла ирымоу аҧышәа аимдара мҩаҧыргоит: ақалақь аҿы авариа-еиқәырхаратә усурақәеи амҩатә машәырқәа раан аиқәырхареи, апиротехникатә усураҿы апрактикатәи атеориатәи зыҟаҵарақәа рымҩаҧгара, иара убас, еиуеиҧшым аҟазшьа змоу иҷыдоу аҭагылазаашьақәа раан апсихологиатә цхыраара аҭара. 
 
Убри аан, Урыстәыла Иҷыдоу аҭагылазаашьақәа рзы Аминистрра Ҭҟәаҧстәи абылрацәыхьчаратә отриад аусзуҩ Михаил Ларионов, ахәҭакахьала, аҧснытәи иколлегацәа амҩатә-транспорттә хҭысқәа раан ааха зауз рыҧсеиқәырхара азы ҳаамҭазтәи атехнологиақәа ртәы рзеиҭеиҳәеит. Урыстәылатәи аҧсеиқәырхаҩцәа аҧснытәи рколлегацәа амҩатә машәырқәа раан ааха зауз рыҧсеиқәырхара иазку аусмҩаҧгатәқәа рҿырҧштәқәа зну авидеофильм ддырбеит.

Азыҟаҵарақәа рыбжьара урыстәылатәи аҧсеиқәырхаҩцәа дырҧылеит Аҧсны Иҷыдоу аҭагылазаашьақәа рминистр Лев Кәыҵниа. Уи иахьа уажәраанӡагьы Аҧсны Аџьынџьтәылатәи еибашьра ахҟьа-ҧҟьақәа шуҧыло, имыҭҟәацыз аминақәеи арҭҟәацгақәеи ашәарҭара шрыцу иаанхоит ҳәа иазгәеиҭеит. Хазы иарбоу ахылаҧшырҭа ахада амҩатә-транспорттә хҭысқәа ирыдҳәаланы ишьақәгыло иҷыдоу аҭагылазаашьақәа раан апсихологиатә цхыраара аҭара апроблема лымкаала дазааҭгылеит. Аминистр аҧсеиқәырхаҩцәа русура арманшәалареи, иара убри аамҭазы русура алҵшәа аиҕьтәреи рзы ауп ас еиҧш азыҟаҵарақәа рымҩаҧгара заҭаху ҳәа иазгәеиҭеит.


(АП): Аҵара-зыҟаҵаратә усмҩаҧгатәқәа ҩ-етапкны ишоит. Актәи атеориатә курс азҧхьагәанаҭоит. Аҩбатәи аетап – апрактикатә зыҟаҵарақәа. Урҭ жьҭаарамза 30 рзы ихацыркын, абҵарамза 10 рзы ихыркәшахоит. Иарбоу аусмҩаҧгатә рхы аладырхәуеит Аҧсны Иҷыдоу аҭагылазаашьақәа рзы Аминистрра араионтә ҟәшақәа зегьы русзуҩцәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа