Ажәабжьқәа

Популярное

Аҧсны иҷыдоу аҭагылазаашьақәа рзы Аминистрра иааиуа ашықәс азы аусура азҧхьагәанаҭоит

265
04.11.2019 13:26
Аҧсны иҷыдоу аҭагылазаашьақәа рзы Аминистрра иааиуа ашықәс азы аусура азҧхьагәанаҭоит
Аҧсны иҷыдоу аҭагылазаашьақәа рзы Аминистрра аҿы 10-мыз ирылагӡаны имҩаҧгаз аусура азы аихшьаалатә еилатәара мҩаҧысит.

Аҟәа. Абҵарамза 4. Аҧсныпресс. Аҧсны иҷыдоу аҭагылазаашьақәа рминистр Лев Кәыҵниа ахылаҧшырҭа аппарат хадеи араионтә ҟәшеиҵақәеи рнапхгаҩцәа алархәны инарҭбаау аилатәара мҩапигеит. Абри атәы аанацҳауеит Аҧсны иҷыдоу аҭагылазаашьақәа рзы Аминистрра аофициалтә саит.

Аацҳамҭа излаанацҳауа ала, аилатәара аҿы 2019 шықәса 10-мыз ирылагӡаны имҩаҧгаз аусура азы аихшьаалақәа ҟаҵан, иара убас иааиуа 2020 шықәсазы аусура азҧхьагәаҭан. Аминистрра аструктура аиҕьтәреи, ахылаҧшырҭа аҟәшеиҵақәа рҿы адисциплина арҕәҕәареи, аусзуҩцәа рзанааҭтә дырреи рҧышәеи аҩаӡара аизырҳареи иҷыдоу ахшыҩзышьҭра аҭан.

Аилатәара аҿы Аҧсны иҷыдоу аҭагылазаашьақәа рзы Аминистрра аҟны иҟоу амедицинатә Усбарҭа ашьақәыргылара ахыркәшара, Аминистрра араионтә ҟәшеиҵақәа русура атехникатә еиқәыршәара аҭара, ахәҭакахьала арҧхаратә аамҭа алагара инамаданы, ауааҧсыра рыҩныҵҟа апрофелактикатә усура амҩаҧгара, уҳәа аусура зегьы реиҳа ихадоу ахырхартақәа алкаан.

Аилатәара аихшьаалақәа рыла, Аминистрра аппарат хадеи араионтә ҟәшеиҵақәеи рнапхгаҩцәа аамҭа кьаҿ иалагӡаны Аминистрра аҧхьаҟатәи аусура злаҳәаақәҵахо 2020 шықәса азы аусура азҧхьагәаҭа адгалара азы азҧхьанҵа рыҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа