Ажәабжьқәа

Популярное

Аҧсны Жәлар Реизара – Апарламент аҿы Лугансктәи Жәлартә Республика Жәлар Рхеилак аделегациа рыдыркылеит

136
03.10.2017 14:43
Аҧсны Жәлар Реизара – Апарламент аҿы Лугансктәи Жәлартә Республика Жәлар Рхеилак аделегациа рыдыркылеит
Лугансктәи Жәлартә Республика Жәлар Рхеилак аделегациа Аҧсныҟа аусуратә визит иацҵоуп.

Аҟәа. Жьҭаара 3. Аҧсныпресс. Дырмит Басариа. Аҧсны Жәлар Реизара-Апарламент аиҳабы Валери Кәарҷиа аҧснытәи рколлегацәеи дареи аҧышәала аимадареи, 1992-1993 шш. Аҧсны жәлар Рџьынџьтәылатәи еибашьра аҿы Аиааира агара Амш азгәаҭара иазку аныҳәатә усмҩаҧгатәқәа рылахәхареи рзы Аҧсныҟа иааз Лугансктәи Жәлартә Республика Жәлар Рхеилак амассатә коммуникациақәеи аинформациатә политикеи, аимадареи жәларбжьаратәи аизыҟазаашьақәеи рызҵаарақәа рзы Аилак ахаҭарнакцәа идикылеит.

Лугансктәи Жәлартә Республика адепутатцәа идкылауа, Валери Кәарҷиа иазгәеиҭеит: “Лугансктәи Жәлартә Республикеи Донецктәи Жәлартә Республикеи абар шьҭа хы-шықәса ирылагӡаны имҩаҧысуа атрагедиатә хҭысқәа аҧхьанатә Аҧсны жәлари атәыла Анаҧхгареи даара агәҭынчымра рызцәырнагеит. Ари арегион аҿы ауааҧсыра рҭагылазаашьа ҳара зеиҕьаҟам ала еилаҳкаауеит. Аҧсны Анаҧхгара иалшо ала арҭ ареспубликақәа рыцхыраара иаҿуп”. 

Иара убас, Жәлар Реизара – Апарламент аҿы  адепутатцәа аҩганктәи реиҧылара мҩаҧысит. 

Лугансктәи Жәлартә Республика Жәлар Рхеилак  амассатә коммуникациақәеи аинформациатә политикеи, аимадареи жәларбжьаратәи аизыҟазаашьақәеи рызҵаарақәа рзы Аилак  ахантәаҩы Нелли Задирака аҧсуа ган адкылара бзиа азы ҭабуп ҳәа раҳәо Аҧсны аҭаара илызцәырнагаз ацәаныррақәа ртәы еиҭалҳәеит. 

Лугансктәи Жәлартә Республика иҟоу аҭагылазаашьа инамаданы аҧснытәи лколлегацәа рызҵаара аҭак ҟаҵо, Нелли Задирака  инаҵшьны иазгәалҭеит: “Арегион аҿы аибашьратә усмҩаҧгатәқәа ҵыхәаҧҵәарада ишымҩаҧысуагьы, убри аан жәларбжьаратәи аиҿцәажәарақәа иааубаратәы алҵшәақәа шаанамырҧшуагьы, Луганшьина ажәлар ахатәы ҧеиҧш алнахит – ҳара ахақәиҭреи ахьыҧшымреи ҳамазар ҳҭахуп. Ҳара ҳидеалқәа рзы даара ирацәаҩны ҳауаажәлар рыҧсы ахҭнаҳҵахьеит, убри аҟнытә аанкылашьагьы ҳамаӡам". 

Аделегациа ахада Минсктәи аиқәшаҳаҭрақәа агәрамгаратә хәшьара алҭеит, избан акәзар, уи лажәақәа рыла, “Украинатәи  аган Лугансктәи Жәлартә Республикеи Донецктәи Жәлартә Республикеи рхаҭарнакцәа аиҿцәажәаратә процесс аҿы аппонентцәа раҳасабала разхаҵара мап ацәыркуеит”. “Урҭ Урыстәыла мацара ауп зыҿцәажәара иазхиоу. Ас еиҧш аформат ала адиалог ахаангьы изышьақәгыларым”, – ҳәа инаҵшьны иазгәалҭеит Нелли Задирака. 

Нелли Задирака лажәақәа рыла, Лугансктәи Жәлартә Республика адәныҟатәи аусқәа Рминистрра ааигәаӡоуп ианаҧҵаз, убри аҟнытә Жәлар Рхеилак  амассатә коммуникациақәеи аинформациатә политикеи, аимадареи жәларбжьаратәи аизыҟазаашьақәеи рызҵаарақәа рзы Аилак ахаҭарнакцәа раара раҧхьаӡатәи официалла имҩаҧгоу жәларбжьаратәи еиҧылароуп ҳәа иуҧхьаӡар алшоит.  

Валери Кәарҷиа Лугансктәи Жәлартә Республика адепутатцәа Аҧсны Жәлар Реизара-Апарламент аструктуреи аусуреи ртәы дахцәажәеит, уи Лугансктәи иколлегацәа ҧышәала аимдара дшазхиоу азгәеиҭеит. 

Валери Кәарҷиа иара убас инаҵшьны иазгәеиҭеит: “Аҧсуа жәлар аӡәырҩы рыҧсы ахҭынҵаны ахьыҧшымра аиура алыршахеит. Аха аибашьра ашьҭахьгьы ҳара даҽакы, акыр иуадаҩыз апроблема ҳаадгылеит – ахьыҧшымра ахьчареи атәыла анаҩстәи аҿаиара алыршареи хымҧадатәиин. Зегьыҵәҟьа ҳара ҳгәазыҳәарақәеи ҳалшарақәеи ирыдҳәалаӡам, агеополитикатә ҭагылазаашьа иадҳәалоугьы акырӡа ирацәоуп.  Аха Урыстәылатәи Афедерациа ала Аҧсны ахьыҧшымра азхаҵареи астратегиатә еизыҟазаашьақәа рышьақәгылареи рышьҭахь, ҳара ҳ-Республика ахықәкы хадақәа рынагӡара азы еиҳа  алшарақәа рацәаны иаиуит”. 


(АП): Жәабранмза 1, 2016 шықәса рзы Аҧсны аҳәынҭқарра азакәанҧҵаратә мчрақәа анаҧхгаҩцәеи Лугансктәи Жәлартә Республикеи, Лугансктәи Жәлартә Республика Жәлар Рхеилаки Аҧсны Жәлар Реизара – Апарламенти рзакәанҧҵаратә усураҿы аусеицуразы Аиқәшаҳаҭра рыбжьарҵеит. Аиҧш- зеиҧшу Аиқәшаҳаҭра Аҧсны Аҳәынҭқарреи Донецктәи Жәлартә Республикеи ирыбжьаҵоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа