Ажәабжьқәа

Популярное

Аҧсны Жәлар Реизара – Апарламент адепутатцәа Аахыҵ Уаҧстәылатәи Ареспублика Апарламент ахь алхрақәа жәларбжьаратәи амониторинг рхы аладырхәуеит

89
07.06.2019 16:36
Аҧсны Жәлар Реизара – Апарламент адепутатцәа Аахыҵ Уаҧстәылатәи Ареспублика Апарламент ахь алхрақәа жәларбжьаратәи амониторинг рхы аладырхәуеит
Аахыҵ Уаҧстәыла Апарламент ахь алхрақәа мҩаҧгахоит рашәарамза 9 рзы.

Аҟәа. Рашәарамза 7. Аҧсныпресс. Аахыҵ Уаҧстәыла Апарламент Ахантәаҩы Пиотр Гассиев иҟаиҵаз ааҧхьарала, Аҧсны Жәлар Реизара – Апарламент Аахыҵ Уаҧстәылатәи Ареспублика Апарламент ахь алхрақәа рҽазыҟаҵареи рымҩаҧгареи рзы жәларбжьаратәи амониторинг рхы аладырхәырц азы аделегациа дәықәнаҵеит.

Аахыҵ Уаҧстәыла Апарламент ахь алхрақәа мҩаҧгахоит рашәарамза 9 рзы.

Имҩаҧысраны иҟоу алхрақәа аҳәаанырцәтәи анаҧшыҩцәа раҳасабала алахәхаразы идәықәҵоуп акультуреи аҿари аспорти рзы Аҧсны Жәлар Реизара – Апарламент Аилак ахантәаҩы Венори Бебиеи, жәларбжьаратәии апарламентбжьаратәии аимадарақәеи аџьынџьуаа рымадареи рзы Аҧсны Жәлар Реизара – Апарламент Аилак алахәыла Ашот Миносиани.

Аахыҵ Уаҧстәыла Апарламент ахь уаанӡатәи алхрақәа мҩаҧысуан рашәарамза 8, 2014 шықәса рзы. Аҧсны Аҳәынҭқарреи Аахыҵ Уаҧстәылатәи Ареспубликеи русеицура аҩганктәи аҳәынҭқаррабжьаратәи аиқәшаҳаҭрақәа реиҧш, раҧхьа ҧхынгәымза 4, 2006 шықәса рзы знапаҵыҩра мҩаҧгаз, анаҩс мшаҧымза 10, 2016 шықәсазы еиҭарҿыцны ибжьаҵаз апарламентбжьаратәи Аиқәшаҳаҭра ала ишьаҭаркыуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа