Ажәабжьқәа

Популярное

Аҧсны Жәлар Реизара – Апарламент аиҳабы Валери Кәарҷиа Приднестровтәи Молдавтәи Ареспублика Апрезидент диҧылеит

89
29.09.2017 12:04
Аҧсны Жәлар Реизара – Апарламент аиҳабы Валери Кәарҷиа Приднестровтәи Молдавтәи Ареспублика Апрезидент диҧылеит
Приднестровтәи Молдавтәи Ареспублика Апрезидент Вадим Красносельски 1992-1993 шш. Аҧсны жәлар Рџьынџьтәылатәи еибашьра аҿы Аиааира агара Амш 24-шықәса ахыҵра иадҳәалоу аныҳәатә усмҩаҧгатәқәа рылахәхаразы Аҧсныҟа дааит.

Аҟәа. Цәыббрамза 29. Аҧсныпресс. Дамеи Касланӡиа. Аҧсны Жәлар Реизара – Апарламент аиҳабы Валери Кәарҷиа Приднестровтәи Молдавтәи Ареспублика Апрезидент Вадим Красносельски диҧылеит. Аиҧылара иара убас рхы аладырхәит Приднестровтәи Молдавтәи Ареспублика адәныҟатәи аусқәа рминистр, Апрезидент Иусбарҭа Анаҧхгаҩы актәи ихаҭыҧуаҩ, иара убас, Аҧсны Аҳәынҭқарра адәныҟатәи аусқәа рминистри Приднестровтәи Молдавтәи Ареспублика аделегациа ахаҭарнакцәа. 

Валери Кәарҷиа, Приднестровтәи Молдавтәи Ареспублика Апрезидент бзиала уаабеит ҳәа иаҳәо иазгәеиҭеит: “Ҳара Шәара Аҧсныҟа шәаара даара гәахәарыла иҳадаҳкылеит. Ҳара ҳзы акырӡа зҵазкуа ари аныҳәа – Аҧсны Жәлар Рџьынџьтәылатәи еибашьра аҿы Аиааира агара Амш азгәаҭара шәхы ахьалашәырхәуа акырӡа ҳаҭыр дууны иҳаҧхьаӡоит. Аамҭа рацәа иаҵанакуеит Шәареи ҳареи ҳзинқәа рзықәҧара ҳаҿиижьҭеи. Ҳақәҧара иацлеит Аахыҵ Уаҧстәылагьы, ах-республикак Рассомблеиа аҧҵан, ҳаизыҟазаашьақәа хра злоу аҿиара аиуит. Иахьа Шәара арахь шәаара – иҳабжьоу аиҩызыреи аусеицуреи еиҳа еиҕьу аҩаӡара аҟынӡа анагара иазырхоу хра злоу уснагӡоуп. Ҿыц знапы аҵаҩхо аусшәҟәқәагьы ҳаиашьаратә еизыҟазаашьақәа еиҳагьы иарҕәҕәоит”. 

Убри аан Вадим Красносельски иазгәеиҭеит: “Сара Аҧсны Аҳәынҭқарра Ахадеи Апарламент аиҳаби рыбжьара ас еиҧш аилибакаара ахьрыбжьоу агәахәара ду сызцәырнагоит. Даараӡа акырӡа аҵанакуеит, ас еиҧш иҟоу азакәанҧҵаратә усбарҭа аҟны аҿар маҷымкәа иахьыҟоу. Абиҧарақәа реимадара аҟазаара хымҧадатәиуп, ҳус иацҵаны иназыгӡо ыҟазароуп, уи ииашахоит. Исоуз аҭагылазаашьа схы иархәаны, Аҧсны Жәлар Реизара – Апарламенти Приднестровтәи Молдавтәи Ареспублика Апарламенти ирыбжьоу аҧышәала аимадара аринахысгьы анагӡара аиурц азы ажәалагала ҟасҵоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа