Ажәабжьқәа

Популярное

Аҧсны Жәлар Реизара – Апарламент Ареспубликатә Унитартә Наплакы “Амшынеиқәафымцамч” аусура агәаҭара аҽҳәара иацҵоуп

126
03.06.2019 17:34
Аҧсны Жәлар Реизара – Апарламент Ареспубликатә Унитартә Наплакы “Амшынеиқәафымцамч” аусура  агәаҭара аҽҳәара иацҵоуп
Жәлар Реизара – Апарламент аилатәара аҿы апарламенттә Комиссиа Ареспубликатә Унитартә Наплакы “Амшынеиқәафымцамч” аусура агәаҭара аҽҳәара иацҵоуп.

Аҟәа. Рашәарамза 3. Аҧсныпресс. Мадина Чагәаа. Аҧсны Жәлар Реизара – Апарламент аилатәара аҿы адепутатцәа апарламенттә Комиссиа Ареспубликатә Унитартә Наплакы “Амшынеиқәафымцамч” аусура  агәаҭара аҽҳәара хымыз ацырҵеит.

Ақәҵара адгалара мҩаҧго, аекономикатә политикеи ареформақәеи рзы Апарламент Аилак алахәыла Алмас Џьопуа Акомиссиа аусура хыркәшахеит лаҵарамза 22 рзы, аха  иаадыҧхьалаз аекспертцәа русура ахәҧса ашәара азы “иӡбамкәа иаанхаз атехникатә еиқәымшәарақәак” инарымаданы, уи аусура аҽҳәара иацҵатәуп ҳәа еизаз ирылеиҳәеит. “Иалкаатәуп ҳәа исыҧхьаӡоит Акомиссиа аусура аҽҳәара хымз рыла ишацҵахо, избан акәзар уи убас азакәан иарбоуп. Аха Акомиссиа аамҭа кьаҿ иалагӡаны имҩаҧнагаз аусуразы аҳасабырба ҟанаҵоит. Аҳасабырбақәа зегьы маҷк ада еиқәыршәоуп”, – ҳәа иҳәеит иара. 

Иара убас, аилатәара аҿы адепутатцәа Аҧсны Ахылаҧшратә Палата 2019 шықәсазы иадыҧхьалахо аҳәаанырцәтәи аекспертцәа русура ахәҧса ашәара азы иазоужьхо аҧара аицҵалыҵ 2 600 000 рҟынӡа аизырҳара азы Ақәҵара рыдыркылеит. 

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа