Ажәабжьқәа

Популярное

Аҧснытәи аҳәынҭқарратә Университет аҿы алингвистикеи аинформациатә технологиақәеи рзы Ацентр аӡыргара мҩаҧысит

3419
26.12.2019 17:22
Аҧснытәи аҳәынҭқарратә Университет аҿы алингвистикеи аинформациатә технологиақәеи рзы Ацентр аӡыргара мҩаҧысит
Аусмҩаҧгатә ихы алаирхәит атәыла Анапхгара Ахада Валери Бганба.

Аҟәа. Ҧхынҷкәынмза 26. Аҧсныпресс. Аҧсны аҧыза-министр Валери Бганба Аҧснытәи аҳәынҭқарратә Университет аҿы алингвистикеи аинформациатә технологиақәеи рзы Ацентр аӡыргара иазкыз аусмҩаҧгатә даҭааит. Абри атәы аанацҳауеит Аҧсны аминистрцәа Реилазаара аофициалтә саит.

Апроект адгалара мҩаҧылгеит ацентр анапхгаҩы, ААУ аҭҵааратә усура азы апроректор апрофессор Џьулиетта Адлеиба.

Џьулиетта Адлеиба ишазгәалҭаз ала, ацентр аҧсуа бызшәа аҳәынҭқарреи ауааҧсыреи рыҧсҭазаара аусхкқәа зегьы рҿы аларҵәара иазку аҵарадырратә усура анагӡара хықәкыс иҟаҵаны иаҧҵоуп.

Ацентр, ауаажәларратә еилазаара еиҧш, иҿыцу аинформациатә технологиақәа рхархәарала аҧсуа бызшәа аҵара иазку апроектқәа реиқәыршәареи рынагӡареи ирыдҳәалоу аусумҭақәа равторцәа, аҵарауаа, аспециалистцәа еиднакылоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа