Ажәабжьқәа

Аҧснытәи аҭыжьыҩцәа раалыҵ Шанхаи имҩаҧысуа Жәларбжьаратәи ацәыргақәҵа аҿы ицәыргақәҵахоит

276
13.11.2019 16:16
Аҧснытәи аҭыжьыҩцәа раалыҵ Шанхаи имҩаҧысуа Жәларбжьаратәи ацәыргақәҵа аҿы ицәыргақәҵахоит
Аҧсны Ахәаахәтҭра-ааглыхратә Палата аделегациа Шанхаи имҩаҧысуа Жәларбжьаратәи ацәыргақәҵа ахы аланырхәуеит.

Аҟәа. Абҵарамза 13. Аҧсныпресс. Аҧсны Ахәаахәҭра-ааглыхратә Палата апрезидент Ҭамила Мерцхәлаа напхгара зылҭо аделегациа Китаи, Шанхаи ақалақь имҩаҧысуа афатә аалыҵқәеи, арыжәтәи, асасааирҭатә маҵзурақәеи, азеиҧш крыфареи, ачаӡырҭақәеи, цырала ахәаахәҭреи рзы Жәларбжьаратәи ацәыргақәҵа ахы аланырхәуеит.

Ацәыргақәҵа рхы аладырхәуеит  адунеи 48 тәыла рҟынтәи 3 500 еилазаара рхаҭарнакцәа. Урҭ  реиуоуп Австриа, Австралиа, Бельгиа, Бразилиа, Канада, Кипр, Ҭырқәтәыла, Чехиа, Урыстәыла, Даниа, Франциа, Германиа, Индиа, Италиа, Иапониа, Кореиа, Таивань, Мексика, Польша, Португалиа, Сингапур, Испаниа, Таиланд, Великобританиа, Еиду Америкатәи Аштатқәа, уҳәа убас иҵегьы.

Ацәыргақәҵа актәи амш азы Аҧсны Аҳәынҭқарра апавилион иаҭааит Шанхаи иҟоу Урыстәылатәи Афедерациа аконсул Хада Александр Шманевскии Шанхаи иҟоу Урыстәылатәи Афедерациа ахәаахәҭра-ааглыхратә Палата ахаҭарнак Виачеслав Денискин.

"Аҧснытәи аҭыжьыҩцәеи аусдкылаҩцәеи раалыҵ Азиеи-аокеанҭычтәи арегион азы аӡыргара – ари Китаи Азиеи рџьармыкьақәа рҿы аусеицура аҿиара азы даара ихадоу шьаҿоуп", – ҳәа илҳәеит Ҭамила Мерцхулаа.

Ацәыргақәҵа аусура абҵарамза 14 рзы ихыркәшахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа