Ажәабжьқәа

Популярное

Аҧснытәи аарыхыҩцәа раалыҵ абар фынтәуп Жәларбжьаратәи ацәыргақәҵа “Ахьтәы ҭагалан” аҿы ицәыргақәҵахоижьҭеи

145
03.10.2017 10:56
Аҧснытәи аарыхыҩцәа раалыҵ абар фынтәуп Жәларбжьаратәи ацәыргақәҵа “Ахьтәы ҭагалан” аҿы ицәыргақәҵахоижьҭеи
Ацәыргақәҵа, жьҭаарамза 4 рзы Москва ақалақь, Жәлар Рынхамҩатә Еихьӡарақәа Рцәыргақәҵа аҿы иаатуеит.

Аҟәа. Жьҭаарамза 3. Аҧсныпресс. Ақыҭанхамҩатә аалыҵ ҭзыжьуа Аҧснытәи анаплакқәа жьҭаарамза 4 рзы Москва ақалақь, Жәлар Рынхамҩатә Еихьӡарақәа Рцәыргақәҵа аҿы иаатуа XVIII Жәларбжьаратәи ааглыхратә цәыргақәҵа “Ахьтәы Тагалан-2017” рхы аладырхәраны иҟоуп. Абри атәы аанацҳауеит Аҧсны Аҳәынҭқарра Жәларбжьаратәи акультуратә-усуратә Центр апресс-маҵзура . 

Урыстәыла иҟоу Аҧсны ахәаахәҭратә хаҭарнак Олег Барцыц иазгәеиҭеит: “Аҧсны ииашаны ҧыхьатәи Асовет Еидгыла аҵакыра аҿы аграртә усхкы аганахьала ацәыргагқәҵатә усура аҿы аҧхьагылара амоуп. Уи ацәыргақәҵа аҿы хы-шықәса ирылагӡаны алахәхарала хынтә Гран-при, иара убас ҩынҩажәижәаба инарзынаҧшуа еиуеиҧшым аҩаӡарақәа змоу амедалқәеи анаршьахьеит”. 

Олег Барцыц иҟаиҵаз адыррақәа рыла, сынтәа афорум инарҭбаау  аусуратә программа алахәхараҿы акцент аҟаҵара азы аӡбамҭа рыдыркылеит, уи аҳәаақәа ирҭагӡаны Урыстәылатәи Афедерациа иҟоу Аҧсны ахәаахәҭратә Хаҭарнакреи урыстәылатәии жәларбжьаратәии аструктурақәа жәпаки рыбжьара аиқәшаҳаҭра дуқәа рыбжьаҵара азҧхьагәаҭоуп. 

“Арҭ аиқәшаҳаҭрақәа рхықәкы хаданы иҟоуп – Аҧсны жәларбжьаратәи, ааглыхратәи, аинвестициатәи усуратә ҵакыра алагалара ауп”, – ҳәа инаҵшьны иазгәеиҭеит Урыстәыла иҟоу Аҧсны ахәаахәҭратә хаҭарнак. 

Ацәыргақәҵа аусура ихы аланахәраны иҟоуп ақыҭанхамҩа аминистр Даур Ҭарба наҧхгара зиҭо Аҧсны Аҳәынҭқарра Анаҧхгара аделегациа. Аделегациа аилазаараҿы иҟоуп иара убас Аҧсны Аҳәынҭқарра аекономика аминистр Адгәыр Арӡынбеи аекономика азҵаарақәа рзы  Аҧсны Аҳәынҭқарра Ахада иабжьгаҩ Амиран Лагәлааи.  

Аҧснытәи аарыхыҩцәа ацәыргақәҵа ралархәхара аиҿкааҩцәа – Аҧсны Аҳәынҭқарра Анаҧхгара, Урыстәылатәи Афедерациа иҟоу Аҧсны Аҳәынҭқарра ахәаахәҭратә Хаҭарнакра, Аҧсны Жәларбжьаратәи акультуратә-усуратә Центр. 


(АП): Иарбоу ацәыргақәҵа Мрагыларатәи Европа аҿы иреиҳаӡоу аусхкытә форумны иҟоуп, уи ҩажәа инареиҳаны адунеи атәылақәеи Урыстәылатәи Афедерациа арегионқәа зегьи рҟынтәи хыҧхьаӡара рацәала алахәылацәа аднаҧхьалоит. Афорум аусура ихы алаирхәуеит Урыстәылатәи Афедерациа Анаҧхгара Ахантәаҩы Дмитри Медведев.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа