Ажәабжьқәа

Популярное

Аҧснытәи аспортсменцәа – VI традициала имҩаҧысуаз зхы иақәиҭу аиқәҧара азы атурнир аҿы аҧхьахәқәа ргеит

1014
17.12.2019 13:14
Аҧснытәи аспортсменцәа – VI традициала имҩаҧысуаз зхы иақәиҭу аиқәҧара азы атурнир аҿы аҧхьахәқәа ргеит
Атурнир Санкт-Петербург ақалақь аҿы имҩаҧысит.

Аҟәа. Ҧхынҷкәынмза 17. Аҧсныпресс. Санкт-Петербург ақалақь аҿы имҩаҧысит Асовет Еидгыла аспорт азҟаза Владимир Родионов игәалашәара иазкны традициала еиҿкаахо зхы иақәиҭу аиқәҧара азы VI атурнир. Атурнир рхы аладырхәит Аҧсны, Белоруссиа, Бырзентәыла, Естониа, Еиду Америкатәи Аштатқәа, Урыстәыла арегионқәа жәпакы рҟынтәи 200-ҩык инарзынаҧшуа аспортсменцәа.

Аҧснытәи акоманда аилазаара Аҟәа, Очамчыра, Ҭҟәарчал ақалақьқәа рҟынтәи аспотсменцәа рыла еиқәыршәан.

Аицлабрақәа реихшьаалақәа рыла, аҧснытәи аспортсменцәа ахьы медалқәа ҩба, ҩ-раӡны медалки, аџьаз медалки раиура рҽаҧсартәит.

Актәи аҭыҧқәа ааныркылеит Сандро Харчлаа (ак/к – 57кь. ақ.Ҭҟәарчал),  Самуил Џьинџьиа (ак/к – 85 кь, ақ. Аҟәа).
 
Аҩбатәи аҭыҧқәа ааныркылеит Вахтанг Акаба (ак/к – 44 кь, ақ. Ҭҟуарчал), Неста Ҵулукиа (ак/к – 62 кь, ақ.Аҟәа). Ахҧатәи аҭыҧ ааникылеит  Алан Абшьылаа  (ак/к – 62 кь, ақ. Очамчыра).

Аспортсменцәа азыҟарҵоит Игор Берая (ақ. Аҟәа), Мераб Ҳашба (ақ.Аҟәа), Мурман Харчлаа (ақ. Ҭҟуарчал), Ҳаџьаратҭ Гадлиа (ақ. Очамчыра).

Аспортсменцәа аицлабрақәа рахь рышьҭра алыршахеит аспорттә клуб “Абаза” иҟанаҵаз ацхыраара иабзоураны.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа