Ажәабжьқәа

Аҧснытәи аспортсменцәа зхы иақәиҭу аиқәҧара азы Урыстәыла Ачемпионат рхы аладырхәуеит

129
04.07.2019 11:39
Аҧснытәи аспортсменцәа зхы иақәиҭу аиқәҧара азы Урыстәыла Ачемпионат рхы аладырхәуеит
Урыстәыла Ачемпионат – Аолимпиаҧхьатәи адунеи Ачемпионат алахәхаразы еизгоу амилаҭтә команда ахь алҧшааратә етап хадақәа иеиуоуп.

Аҟәа. Ҧхынгәымза 4. Аҧсныпресс. Ҧхынгәымза 4-8 рзы, Шәача ақалақь, аҵаатә спорт ахан “Айсберг” аҿы зхы иақәиҭу аиқәҧара азы Урыстәыла Ачемпионат мҩаҧгахоит.

Аицлабрақәа рхы аладырхәраны иҟоуп Урыстәыла 60 регион рҟынтәи 250-ҩык инареиҳаны аспортсменцәа.  

Зыкапантә категориа 61 кьыла рҟынӡа инаӡо рыбжьара иқәгылараны иҟоуп  Гьаргь Адлеибеи Русҭам Ампари, зыкапантә категориа 65 кьыла рынӡа инаӡо рыбжьара аиааира агара рҽазыршәоит Осман Џьугелиеи Инар Кетиеи, 70 кьыла иҟоу ақәҧаҩцәа драцлабуеит  Инал Џьопуа, 79 кьыла иҟоу – Асланбек Гәарамиа, иара убас зыкапантә категориа 125 кьыла рҟынӡа инаӡо драцлабраны дыҟоуп – Баџьа Хәытаба.

Урыстәыла Ачемпионат – ари цәыббрамза 14 инаркны 22 рҟынӡа Ҟазахстан имҩаҧысраны иҟоу Аолимпиаҧхьатәи адунеи Ачемпионат алахәхаразы еизгоу амилаҭтә команда ахь алҧшааратә етап хадақәа иеиуоуп. Араҟа ирхәмархоит Аолимпиада Токио-2020 ахь раҧхьаӡатәи алицензиақәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа