Ажәабжьқәа

Популярное

Аҳәынҭқарра Ахада аҟазараҭҵааҩ Бача Аџьынџьал ииубилеи идиныҳәалеит

248
28.12.2017 14:36
Аҳәынҭқарра Ахада аҟазараҭҵааҩ Бача Аџьынџьал ииубилеи идиныҳәалеит
Иахьагьы Боча Аџьынџьал аҧсуа ҟазареи акультуреи реихьӡарақәа ирызку аинформациа аларҵәареи Аҧсны аҳәынҭқарра ахьыҧшымра аӡыргареи тәамҩахә ҟамҵа аус азиуеит”, – ҳәа иазгәеиҭеит Аҳәынҭқарра Ахада.

Аҟәа. Ҧхынҷкәынмза 28. Аҧсныпресс. Аҧсны Аҳәынҭқарра Ахада Рауль Ҳаџьымба  аҟаратҵааҩ, Аҧсны ажурналистцәа Реидгыла, Аҧсны асахьаҭыхыҩцәа Реидгыла, аҟазараҭҵааҩцәа Жәларбжьаратәи Рассоциациа алахәылаҩ Боча Аџьынџьал 80-шықәса ихыҵра идиныҳәалеит.

Адныҳәаларатә шәҟәы аҿы иаҳәоит:

“Ҳаҭыр зқәу Боча Мџьыҭ-иҧа!


"Гәык-ҧсыкала ишәыдысныҳәалоит 80-шықәса шәхыҵра, насгьы ҳазҭало 2018-тәи Ашықәс Ҿыц! Ишәзеиҕьасшьоит агәамч ҕәҕәа, аманшәалара, ашықәсынҵыра ду!

Шәара шәлагаламҭа дууп аҧсуа ҟазараҭҵаараҿы, ҷыдалагьы, иналукааша аҧсуа сахьаҭыхҩы, асценограф, акритик Алықьсандр Чачба-Шервашиӡе ирҿиаратә ҭынхааҭҵаара, аидкылара, аларҵәара русаҿы. Ааигәа, аҟаза ду ииубилеи инамаданы, уи иҧсҭазаареи, ирҿиамҭеи, илахьынҵеи ирызку шәышәҟәы ҿыц ҩынтәны иҭыҵит.

Шәара шәрылахәын 1967 ш. инаркны 80-тәи ашықәсқәа рынҵәамҭанӡа Аҧсны имҩаҧысуаз амилаҭ-хақәиҭратә қәҧара иадҳәалаз ахҭыс хадақәа зегьы. Шәџьабаа маҷымкәа ирыдуп агазеҭ “Аҧсны Ҟаҧшь”, Аҧсуа ҳәынҭқарратә музеи, Аҟәатәи асахьаҭыхратә ҵараиурҭа, Аҧсны Акультура аминистрра, Д.И. Гәли аихьӡ зху Аҧсуа ҭҵааратә институт. 

Аҧсны аџьынџьтәылатә еибашьраан шәара шәаҧшьгарала Санкт-Петербург еиҿкаахеит ҳажәлар ргәы ашьҭыхраҿы, ҳҭоурых аӡыргараҿы зылшамҭақәа дуу ауаажәларратә-культуратә хеидкыла “Аҧсны”. Шәара уи анапхгаҩцәа шәыруаӡәкуп. Шәымчала иҭыжьхеит аибашьрааан ақырҭуа мпыҵахаларатә режим Аҧсны имҩаҧнагоз агеноцид аазырҧшуа инарҭбаау адокументалтә усумҭақәа.

Шәылшамҭақәа рзы аорден “Ахьӡ-аҧша” ахҧатәи аҩаӡара шәанашьоуп. Иахьагьы аҧсуа ҟазареи акультуреи реихьӡарақәа ирызку аинформациа аларҵәареи Аҧсны аҳәынҭқарра ахьыҧшымра аӡыргареи тәамҩахә ҟамҵа аус азыжәуеит.

Ишәыдышәкыл гәык-ҧсыкала ишәзынасышьҭуа азеиҕьашьарақәа! Ишәымазааит аныҳәатә гәалаҟара бзиа, ҧхьаҟатәи ақәҿиара ҿыцқәа".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа