Ажәабжьқәа

Популярное

Аҳәынҭқарра Ахада Гәдоуҭа араион Ахадара аколлектив анапхгаҩы ҿыц дыдирдырит

382
21.05.2020 18:00
Аҳәынҭқарра Ахада Гәдоуҭа араион Ахадара аколлектив анапхгаҩы ҿыц дыдирдырит
Уаанӡа Аслан Бжаниа Баграҭ Боџьгәуа Гәдоуҭа араион ахада инапынҵақәа рынагӡаҩыс иҟаҵара азы Аусҧҟа инапы аҵаиҩит.

Аҟәа. Лаҵарамза 21. Аҧсныпресс. Аҧсны Аҳәынҭқарра Ахада Гәдоуҭа араион Ахадара аколлектив анапхгаҩы ҿыц Баграҭ Боџьгәуа дыдирдырит. Абри атәы аанацҳауеит Аҳәынҭқарра Ахада иофициалтә саит.

Аҳәынҭқарра Ахада араион ҧыхьатәи анапхгаҩцәаеи Ахадара аусзуҩцәеи инарыгӡаз аусуразы ҭабуп ҳәа реиҳәеит.

Аслан Бжьаниа анапхгаҩы ҿыц акадрқәа реиқәыршәараан апрофессионализми, аморалтә ҟазшьақәеи дрықәныҟәаларц  иабжьигеит.

“Ҳара ауадаҩрақәа маҷымкәа иҳаман. Уи даҽа проблемакгьы ацлеит, – адунеи зегьы иахыҵәаз акороновирусттә ҿкы чымазара апандемиа. Аиҳарак ақәыӷәӷәара зауз шәара шәраион ауп, араҟа ахәышәтәра иахысуеит ачымазара злаҽыз, уи азы даараӡа иҭабуп ҳәа шәасшәар сҭахуп”, – ҳәа иҳәеит Аҳәынҭқарра Ахада.

Убри аан, Аҳәынҭқарра Ахада араионтә хәышәтәырҭа хада иахьаҵанакуа акомпиутертә томографиа аппарат аргыларазы ҷыдала ахыбра аргылара азҧхьагәаҭоуп ҳәа иазгәеиҭеит.

“Мызкы иалагӡаны аппарат аусура хацыркхоит”, – ҳәа иҳәеит Аслан Бжьаниа.

Гәдоуҭа араион Администрациа ахада инапынҵақәа назыгӡо Баграҭ Боџьгәуа Аҳәынҭқарра Ахада ииҭаз агәрагаара азы ҭабуп ҳәа еиҳәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа