Ажәабжьқәа

Популярное

Аҳәынҭқарра Ахада Иабжьгаҩ Москвеи Урыстәыла зегьи Аҧшьаӡа Апатриарх Кирилл иахь ааҧхьара азы игәаанагара иҳәеит

111
06.06.2019 18:40
Аҳәынҭқарра Ахада Иабжьгаҩ Москвеи Урыстәыла зегьи Аҧшьаӡа Апатриарх Кирилл иахь ааҧхьара азы игәаанагара иҳәеит
Аб Виссарион аиероманахцәа  Дорофеи  Андреи аҿақәшаҳаҭхара ада Анцәа имҵаныҳәара азы ақәиҭымтәра рхыхзарц азы Москвеи Урыстәыла зегьи Аҧшьаӡа Апатриарх  Кирилл иахь ааҧхьара аҟаҵаразы аӡбамҭа идикылеит.

Аҟәа. Рашәарамза 6. Аҧсныпресс. Аадинхаҵара азҵаарақәа рзы Аҳәынҭқарра Ахада иабжьгаҩ Резо Кациа адинхаҵаратә еилазаараҿы ишьақәгылаз аҭагылазаашьа дахцәажәеит.

Ахцәажәара аҿы иазгәаҭоуп:

"Аҵыхәтәантәи аамҭазы, Аҧсны адинмаҵзуҩцәа рыбжьара аилибамкаара ашьақәгылареи аизыҟазаашьақәа реибырххареи инарымаданы, Аҧсны Аҳәынҭқарра иахь еиҿагыло аганқәа рҟынтәи еиҧш,  иуахәаматәым ауааҧсыреи, иара убас, ауаажәларра рхаҭарнакцәеи, аимак-аиҿак аҭышәынтәаларазы аҳәара зныз  хыҧхьаӡара рацәала ааҧхьарақәа аауан.  Аҵыхәтәантәи ашықәсқәа ирылагӡаны аҭыҧ змоу аимак-аиҿакқәа иалҵшәахеит адинмаҵзуҩцәа реиҟәшара. Уи иадҳәалахеит ауаажәларра рыҩныҵҟа аҭагылазаашьа аибырххара.

Узқәымгәыҕуа ашәарҭара аҟамлара азы, Аҧсны Аиашахаҵаратә Уахәама ауахәаматә Еилазаара ахантәаҩы аб Виссарион Аплиаа аиероманахцәа  Дорофеи (Дбар)  Андреи (Ампар) аҿақәшаҳаҭхара ада Анцәа имҵаныҳәара азы ақәиҭымтәра рхыхзарц азы Москвеи Урыстәыла зегьи Аҧшьаӡа Апатриарх  Кирилл иахь хаҭала иара изы мацара адагьы, Аҧсны Аиашахаҵаратә Уахәама ауахәамауаа зегьы рзы имариамыз ааҧхьара аҟаҵаразы аӡбамҭа идикылеит.

Аҧснытәи адинмаҵзуҩцәа зегьи Аҧснытәи аиашахаҵаратә ауахәамауааи рыбжьара аҭынчреи аҭышәынтәалареи рыбжьаҵара алыршаразы агәыҕреи агәазыҳәареи аарҧшуа, Аҧсны Аҳәынҭқарра Ахада Рауль Ҳаџьымбагьы иарбоу ааҧхьара инапы аҵаиҩит".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа