Ажәабжьқәа

Популярное

Аҳәынҭқарра Ахада Рауль Ҳаџьымба Ауаажәларратә Палата алахәразы акандидатцәа дырҧылеит

295
05.11.2019 18:29
Аҳәынҭқарра Ахада Рауль Ҳаџьымба Ауаажәларратә Палата алахәразы акандидатцәа дырҧылеит
Аиҧылараан ирылацәажәан Ауаажәларратә Палатеи аҳәынҭқарратә мчхара аусбарҭақәеи русеицура, иара убас Ауаажәларратә палата ароль арҕәҕәареи рызҵаарақәа.

Аҟәа. Абҵарамза 5. Аҧсныпресс. Аҧсны Аҳәынҭқарра Ахада Рауль Ҳаџьымба Аҳәынҭқарра Ахада иквота иазкны Ауаажәларратә палата алахәразы акандидатцәа злахәыз аиҧылара мҩаҧигеит.

Аиҧылараан ирылацәажәан Ауаажәларратә Палатеи аҳәынҭқарратә мчхара аусбарҭақәеи русеицура, иара убас Ауаажәларратә палата ароль арҕәҕәареи рызҵаарақәа.

Убри аан, Рауль Ҳаџьымба Ауаажәларратә Палата иқәнаргыло азҵаарақәа рҵакы ахадара инаҵшьны иазгәеиҭеит. “Ауаажәларратә Палата аҟны ишьҭырхуаз азҵаарақәа аҵак ду рыман. Ауаажәларратә Палата аусурала Аиҳабыреи ауаажәларреи русеицура алыршатәуп хымҧада. Изныкымкәа ауаажәларратә Палата алахәылацәеи ҳареи ҳаиқәшәахьан. Иуадаҩыз азҵаарақәа маҷымкәа абра ирылацәажәан, аҳәынҭқарратә бызшәа азҵаара, аиҳабыреи аоппозициеи реизыҟазаашьақәа, уҳәа убас егьырҭгьы. Сара есқьынгьы Ауаажәларратә Палата аус ацура сазхиоуп, иарбан зҵааразаалакгьы, ихьанҭоу азҵаарақәагьы налаҵаны. 

Аҳәынҭқарра аҧсҭазаараҟны Ауаажәларратә Палата ароли аҵаки есааира ишьҭыхлатәуп”, – ҳәа иҳәеит Аҳәынҭқарра Ахада.
Аҳәынҭқарра Ахада иара убас иҳәеит аҭҵаарадырратә усбарҭақәеи Ауаажәларратә Палатеи рхаҭарнакцәа алархәны азакәанапроектқәа аҧхьанатәтәи рыҧхьара аидеиа адгылара шаиҭо.

Ауаажәларратә Палата ҧасатәи ааҧхьарақәа рылахәҩы Сократ Џьынџьал Ауаажәларратә Палата, уи иазнархио абжьгарақәа аҳәынҭқарратә усбарҭақәа ахәаҧшразы ирыдыркылаларц азы адгылара аҭара шаҭаху азгәеиҭеит.

"Аҧышәа иаҳнарбеит Ауаажәларратә Палата аусура иамоу аҵакы. Даҽа усуп, уи абжьгарақәа шынагӡахо. Ари, ҳара еснагь ҳаззыхынҳәло зҵаароуп, Шәара шәышҟагьы. Аилазаарақәа зегьы дасу рхықәкқәа рымоуп, аиҳабыра дара руснагӡатәқәа рымоуп, ауаажәларратә еиҿкаарақәагьы убас, аха ҳазегьы иаҳзеиҧшны ҳҿаҧхьа иқәгылоу уснагӡатәуп аҭышәынтәалара аиқәырхареи ауаҩы изинқәа реиқәырхареи, ауаа аҭагылазаашьа бзиа рзаҧҵаразы алшарақәа раҧҵара”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа