Ажәабжьқәа

Аҳәынҭқарра Ахада Рауль Ҳаџьымба Очамчыра араион ахь иусуратә ҭаара аихшьаалақәа ҟаиҵеит

173
04.07.2019 14:36
Аҳәынҭқарра Ахада Рауль Ҳаџьымба Очамчыра араион ахь иусуратә ҭаара аихшьаалақәа ҟаиҵеит
Аҳәынҭқарра Ахада Очамчыра араион ахь иусуратә ҭаара аихшьаалақәа ҟаиҵеит.

Аҟәа. Ҧхынгәымза 4. Аҧсныпресс. Дамеи Касланӡиа. Аҳәынҭқарра Ахада Рауль Ҳаџьымба Очамчыра араион ахь иусуратә ҭаара аихшьаалақәа ҟаиҵеит. Аҳәынҭқарра Ахада дахәаҧшит Очамчыра зыргылара мҩаҧысуа ахәыҷбаҳчеи Ҭхьына ақыҭаҟны азеиҧшҵараиуратә школи.

Иара убас, Рауль Ҳаџьымба егьырҭ аобиектқәа жәпакы рҿы аиҭашьақәыргыларатә усурақәа рымҩаҧысшьа гәеиҭеит. Убарҭ иреиуоуп Очамчыра ақалақь аҿы АҬАР ахыбра ҿыцгьы. Аҳәынҭқарра Ахада Рауль Ҳаџьымба инаҵшьны иазгәеиҭеит: “Аусурақәа ахыркәшарахь инеиуеит, цәыббрамза 1 азы арҭ ахыбрақәа зегьы русура хыркәшаны ахархәарахь ирыҭатәуп, ахәыҷқәа ашкол ҿыц ахь иааины аҵаратә процесс иалагарц азы. АҬАР атәы ҳҳәозар, ари ахҭыс араион азы аҵак ду амоуп. Акыраамҭа АҬАР иадҳәалоу аусмҩаҧгатәқәа зегьы Очамчыра ақалақь Ахадара ахыбраҿы имҩаҧысуан. Иахьа иҳамоуп иҿыцу иҧшӡоу ахыбра ҿыц. Аиустициа Аминистрра аусзуҩцәа ражәақәа рыла, ари ахыбра АҬАР иаҵанакуа аусбарҭақәа зегьы ирылукаартә иҟоуп. Уажәшьҭа ҳгәыҕлоит, АҬАР ашҟа ауаа аилыҵра азы акәымкәа, аҭаацәара аҧҵаразы инеилоит ҳәа. Ари акырӡа аҵанакуеит ҳара ҳтәылазы, ҳдемографиатә ҭагылазаашьазы. Ашколқәеи АҬАР-и рхыбрақәа шаҳаҭра руеит, ҳҳәынҭқарра арҭ азҵаарақәа рыӡбара ишаҿу”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа