Ажәабжьқәа

Популярное

Аҳәынҭқрратә хықәкылатә Программа “Аҳәынҭқарратә бызшәа аҿиара-2020” апроект шьақәырҕәҕәоуп

271
20.11.2019 16:11
Аҳәынҭқрратә хықәкылатә Программа “Аҳәынҭқарратә бызшәа аҿиара-2020” апроект шьақәырҕәҕәоуп
Апрограмма аҳәаақәа ирҭагӡаны аусмҩаҧгатәқәа рынагӡаразы иазоужьхоит 5 млн мааҭ.

Аҟәа. Абҵарамза 20. Аҧсныпресс. Аҧсны аминистрцәа Реилазаара аилатәара аҿы Аҳәынҭқарратә хықәкылатә Программа “Аҳәынҭқарратә бызшәа аҿиара-2020” апроект ашьақәырҕәҕәара азы Ақәҵара рыдыркылеит.

Аусшәҟәы адгалара мҩаҧигеит аҳәынҭқарратә бызшәатә политика азы Аҧсны аҳәынҭқарратә Еилакы ахантәаҩы Баҭал Ҳагәышь.

Баҭал Ҳагәышь ишазгәеиҭаз ала, Апрограмма ахықәкы хадақәаны иҟоуп:
– Аҧсны аҳәынҭқарратә бызшәа аиқәыршәареи аҿиареи;
– аҳәынҭқарра афундаменталтә шьаҭа аҳасабала аҳәынҭқарртә бызшәа аларҵәареи ахархәареи алыршара;
– аҳәынҭқарратә бызшәа ишахәҭоу ала аҿиареи аусуреи рзы аҭагылазаашьақәа раҧҵара.

Апрограмма ихадоу ахықәкқәа:
– аҧсуа бызшәа аҿиара аусхкы аспециалистцәеи аҭҵаара-рҵаҩратә кадрқәеи разыҟаҵара асистема аиҕьтәра иазырхоу аусмҩаҧгатәқәа рынагӡара;
–аҳәынҭқарратә усбарҭақәеи, аусҳәарҭақәеи, ахылаҧшырҭақәеи русзуҩцәа аҳәынҭқарратә бызшәа дырҵара азы иҷыдоу азыҟаҵарақәеи акурсқәеи рымҩаҧгара;
– Аҧсны аҳәынҭқарратә бызшәа аҵареи аҭҵаареи ирызку аҭҵаара-дырратә литература, аҵара-методикатә цхыраагӡатәқәа, аҳәынҭқарратә бызшәа ала инагӡоу асахьаркыратә рҿиамҭақәа реиқәыршәареи рҭыжьреи рҿы аҳәынҭқарра аҟынтәи ацхыраара аҭара;
– ауаажәларреи, еиуеиҧшым хықәкылатәи аудиториақәеи рзы акыр зҵазкуа аинформациа аҧсуа бызшәала аларҵәара иазырхоу аусура назыгӡо амассатә информациа ахархәагақәа аҳәынҭқарра аҟынтәи ацхыраара рыҭара;
– Ахәыҷқәа Аҧсны аҳәынҭқарратә бызшәа дырҵара иазырхоу ҳаамҭазтәи ажанртә, атехнологиатә, уҳәа  егьырҭ ахархәагақәеи рхархәара;
– Аҳәынҭқарратә бызшәатә политика азы Аҧсны аҳәынҭқарратә Еилакы аҿы ишьақәырҕәҕәаз, насгьы акыр аамҭа иалагӡаны имҩаҧнагоз аусмҩаҧгатәқәа рынагӡара.

Апрограмма аҿҳәаракьаҿлатәиуп. Уи анагӡара хацыркхоит ажьырныҳәамза 1, 2020 шықәса рзы.

Апрограмма иазҧхьагәанаҭо аусмҩаҧгатәқәа рынагӡаразы иазоужьхоит 5 млн мааҭ.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа