Ажәабжьқәа

Популярное

Аџьынџьтәылатә Еибашьра Дуӡӡеи Аҧсны аџьынџьтәылатәи еибашьра аинвалидцәеи аибашьцәеи зныктәи афинанстә цхыраара рыҭахоит

79
17.07.2019 15:22
Аџьынџьтәылатә Еибашьра Дуӡӡеи Аҧсны аџьынџьтәылатәи еибашьра аинвалидцәеи аибашьцәеи зныктәи афинанстә цхыраара рыҭахоит
Анапхгарабжьаратәи Акомиссиа аӡбамҭа ала, арҭ ахықәкқәа рынагӡаразы идәықәҵоуп урыстәылатәи афинанстә цхыраара ахархәагақәа.

Аҟәа. Ҧхынгәымза 17. Аҧсныпресс. Аҧсны аҧыза-министр Валери Бганбеи, Урыстәылатәи Афедерациа Анапхгара ахада ихаҭыҧуаҩ Витали Муткои, Урыстәылатәи Афедерациеи Аҧсны Аҳәынҭқарреи рыбжьара асоциал-економикатә усеицура азы Анапхгарабжьаратәи Акомиссиа ацхантәаҩцәа Рыӡбамҭа рнапы аҵарҩит. Абри атәы аанацҳауеит Аҧсны Анапхгара аофициалтә саит.

Аацҳамҭа излаанацҳауа ала, Анапхгарабжьаратәи Акомиссиа аӡбамҭа, Урыстәылатәи Афедерациа ала Аҧсны Аҳәынҭқарра 2019 шықәсазы асоциал-економикатә ҿиара азы афедералтә биуџьет аҟынтәи иазҧхьагәаҭаз афинанстә цхыраара 109 миллиони 332 нызықь мааҭ рҟынӡа инаӡо иныхымыз ахәҭа аихшара алнаршоит. Иарбоу аҧаратә хархәагақәа ҳазҭоу ашықәс азы хырҧашьа змам асоциалтә зҵаарақәа рыӡбара иадҳәалоу афинанстә ныхтәқәеи, хазы игоу акатегориақәа ирыҵанакуа Аҧсны Аҳәынҭқарра атәылауаа зныктәи афинанстә цхыраара рыҭареи иазырхахоит.

Убас, аусшәҟәы инақәыршәаны, 51 миллиони 600 нызықь мааҭи 1941-1945 шш. Аџьынџьтәылатә Еибашьра Дуӡӡеи, 1992-1993 шш. Аҧсны Аџьынџьтәылатәи еибашьра аинвалидцәеи аибашьцәеи, иҭахаз рҭаацәеи зныктәи афинанстә цхыраара рыҭара иазкхоит. Афинансқәа Рминистрра иҟанаҵо адыррақәа рыла, зныктәи афинастә цхыраара иазку аҧаратә хархәгақәа, ҳазҭоу ашықкәс анҵәамҭанӡа, Аџьынџьылатәи Еибашьра Дуӡӡа аветеранцәа рхыҧхьаӡаратә счиотқәа ирхыҧхьӡалахоит, егьырҭ акатегориқәа ирыҵанакуа аҧара рызшәахоит 2019 шықәса, нанҳәамза раҧхьатәи амшқәа рзы.

Иара убас, 57 миллиони 732 нызықь мааҭ рҟынӡа инаӡо аҧаратә хархәагақәа ҳазҭоу ашықәс азы хырҧашьа змам асоциалтә зҵаарақәа рыӡбареи, 14 втобуси, абзазаратә црыцқәа рыиагареи аус адулареи ирызку 5-цырак рҟынӡа иҷыдоу атехникеи раахәареи, иара убас ирццаку амедицинатә цхыраара азы амашьынақәа ҧшьба раахәареи рзы идәықәҵахоит.

Аҧсны Аҳәынҭқарра Ахада Рауль Ҳаџьымба идҵа анагӡара азы аҧсуа ган ала Анапхгарабжьаратәи Акомиссиа ахьӡала еиқәыршәоу ажәалагалақәа ҳазҭоу ашықәс жәабран хҧа рзы Акомиссиа аурыс ган ахантәаҩы иахь идәықәҵан. Лаҵарамза 3, 2019 шықәса рзы, урыстәылатәи аган ақәыршаҳаҭрала, Аҧсны аминистрцәа Реилазаара аҿы зныктәи афинанстә цхыраара заураны иҟоу акатегориақәеи, аҧаратә хархәагақәа реицҵалыҵқәа ршәагааи алызкаауа Ақәҵарақәа рыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа