Ажәабжьқәа

Популярное

Аџьынџьтәылатәи Еибашьра Дуӡӡа аветеранцәа гәыҧҩык ҧсрашьҭахь Аҧсны Афырхаҵа ихьӡ ранашьоуп

246
25.12.2017 12:31
Аџьынџьтәылатәи Еибашьра Дуӡӡа аветеранцәа гәыҧҩык ҧсрашьҭахь Аҧсны Афырхаҵа ихьӡ ранашьоуп
Иҭахаз афырхацәа рыуацәа аҳәынҭқарратә ҳамҭақәа ранеишьеит Аҳәынҭқарра Ахада.

Аҟәа. Ҧхынҷкәынмза 25. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба Аџьынџьтәылатәи Еибашьра Дуӡӡа аветеранцәа рыуацәа дырҧылеит. Аиҧылара аҿы Аҧсны Ахада иҭижьыз Аусҧҟа инақәыршәаны, 1941-1945 шш. Аџьынџьтәылатәи Еибашьара Дуӡӡа аҿы иаадырҧшыз афырхаҵара азы ҧсрашьҭахь Аҧсны Афырхаҵа ҳәа ахьӡ рыхҵоуп Қьаазым Агрба, Ушанги Басариа, Чыкь Кәарҷиа, Григори Кәакәасқьыр.

Рауль Ҳаџьымба иазгәеиҭеит: “Афашизм аҿагылареи аҳәынҭқарра дууи ауаатәыҩса зегьи ринтересқәа рыхьчаразы аҧснынтәи ари аибашьра дуӡӡа ахь ицеит зықьҩыла арҧарцәеи аҭыҧҳацәеи. Рыцҳарас иҟалаз, урҭ хаҭала арҭ аҳамҭақәа роуртә изыҟамлеит, иахьа аҭоурыхтә иашара еиҭашьақәыргылахоит. Аветеранцәа ргәалашәара наунагӡа ҳгәаҵаҿы иаанхароуп, уи биҧарак аҟынтәи даҽа биҧарак ахь ииаслароуп”.

Ахәҭакахьала, афырхацәа рыуацәа Аҳәынҭқарра Ахада иааирҧшыз агәцаракра азы ҭабуп ҳәа иарҳәеит.

Ушанги Басариа имоҭа Леон Кәарҷиа иазгәеиҭеит: “Иахьа аветеранцәа рҭаацәа рзы акырӡа зҵазкуа мшуп, ари аҳамҭа ҳара мацара ҳакәӡам изтәу, уи иааизакны атәыла зегьы иатәуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа