Ажәабжьқәа

Адгәыр Арӡынба Аҳәынҭқарра Ахадарахь акандидатцәа Леонид Ӡаҧшьбеи Аслан Бжьаниеи қәҿиарала имҩаҧысыз рышәҟәҭагалара рыдиныҳәалеит

2267
17.02.2020 15:12
Адгәыр Арӡынба Аҳәынҭқарра Ахадарахь акандидатцәа Леонид Ӡаҧшьбеи Аслан Бжьаниеи қәҿиарала имҩаҧысыз рышәҟәҭагалара рыдиныҳәалеит
Адгәыр Арӡынба акандидатцәа рҩыџьагьы алхраҧхьатәи аусмҩаҧгатә аҿы ақәҿиара рзеиҕьаишьеит.

Аҟәа. Жәабранмза 17. Аҧсныпресс. Аҧсны Аҳәынҭқарра Ахадарахь акандидат Адгәыр Арӡынба Аҳәынҭқарра Ахадарахь акандидатцәа Леонид Ӡаҧшьбеи Аслан Бжьаниеи қәҿиарала имҩаҧысыз рышәҟәҭагалара рыдиныҳәалеит, рҩыџьагьы алхраҧхьатәи аусмҩаҧгатә аҿы ақәҿиара рзеиҕьаишьеит.

Адныҳәалараҿы, ахәҭакахьала иазгәаҭоуп:

“Ҳара ааигәа имҩаҧысраны иҟоу алхрақәа иҳараку аконкурентра зныҧшуа, аха иара убри аан, ихәымгоу атехнологиақәа, аполитикатә ҟыҟ-ҿыҟ, абжьахәаахәҭрақәа, уҳәа рконкуренциа акәымкәа, аидеиақәеи апрограммақәеи рыбжьара аконкуренциа аҭыҧ шаиуо агәра ҳгоит.

Хәажәкырамза 22 рзы Аҧсны ажәлар ааигәатәи 5 шықәса рзы рыҧсадгьыл аҧеиҧш знапы ианырҵо далырхуеит. Алхрақәа рылҵшәақәа ирыдҳәаламкәа, ҿыц иалххо Аҳәынҭқарра Ахада изы ҳтәыла аибашьрашьҭахьтәи аҭоурых аҿы зегьы реиҳа ихадоу азҵаарақәа ируаку – ажәлар реиидгылара азҵаара аӡбара хымҧадатәихоит.

Ҳаидгыланы ауп ҳара иҕәҕәоу, аиашара аҧыжәара ахьамоу аҳәынҭқарра аргылара анҳалшо, ҳаидгыланы мацара ауп – ҳхәыҷқәеи ҳмаҭацәеи рзы иреиҕьу аҧеиҧш ачаҧара анҳалшо.

Ҳара ҳкоманда ажәлар рҟәыҕара агәра ганы, аҽеиҟәшареи, аиҿагылареи, аконфронтациеи ридеиақәа рҟынтәи зхы иақәиҭу, зхәыцрақәа аҿиареи аизҳазыҕьареи иазырхоу аполитикцәеи анапхгаҩцәеи иҿыцу рабиҧара иақәгәыҕны алхрақәа рахь инеиуеит.

Ҳара ҳполитикатә аппонентцәа 2020-тәи ашықәс азы имҩаҧысраны иҟоу алхрақәа апатуеиқәҵаратә атмосфера аҿы имҩаҧысыртә, ауаажәларратә ҽеиҟәшареи аиҿагылареи ралмыршареи, алхрақәа рылҵшәақәа ирыдҳәаламкәа Аҧсны милаҭрацәала еилоу ажәлари аҧсуа ҳәынҭқарреи, ҳаҧхьаҟа еиҵагылараны иҟоу абиҧарақәеи рзы аиааира агара рзы ирылшо зегьы ҟарҵарц ааҧхьара ҟаҳҵоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа