Ажәабжьқәа

Популярное

Адгәыр Ҳаразиа Урыстәылазегьтәи амуниципалтә еиҿкаарақәа Рконгресс ихы алаирхәит

127
01.11.2017 16:05
Адгәыр Ҳаразиа Урыстәылазегьтәи амуниципалтә еиҿкаарақәа Рконгресс ихы алаирхәит
Аусмҩаҧгатә иалагӡаны Аконгресс атематикатә секциақәа реилатәарақәа мҩаҧган. 

Аҟәа. Абҵарамза 1. Аҧсныпресс. Аҟәа ақалақь ахада Адгәыр Ҳаразиа Урыстәылазегьтәи амуниципалтә еиҿкаарақәа Рконгресс ихы алаирхәит. Абри атәы аанацҳауеит Аҟәа ақалақь Ахадара апресс-маҵзура.   

Урыстәылазегьтәи амуниципалтә еиҿкаарақәа Рконгресс  ассоциациа “Амуниципалтә еиҿкаарақәа иаку урыстәылазегьтәи аидгылара (Аконгресс)” ала, жьҭаарамза 31 инаркны абҵарамза 1 аҟынӡа Москва ақалақь аҿы имҩаҧган. 

Иарбоу аусмҩаҧгатә рхы аладырхәит Урыстәылатәи Афедерациа Апрезидент Иусбарҭеи Урыстәылатәи Афедерациа Анаҧхгареи, афедералтә округқәа рҿы аҷыдалкаатә зинмчы змоу Урыстәылатәи Афедерациа Апрезидент  ихаҭарнакрақәа рхаҭарнакцәа, Аҳәынҭқарратә Дума адепутатцәа, Афедерациа Ахеилак алахәылацәа, Урыстәылатәи Афедерациа асубиектқәа аҳәынҭқарратә мчра аусбарҭқәеи аҭыҧантәи ахаланаҧхгара аусбарҭақәеи рнаҧхгаҩцәа,  иара убас аексперттә еилазаареи амассатә информациа ахархәагақәеи рхаҭарнакцәа. 

Аусмҩаҧгатә иалагӡаны Аконгресс атематикатә секциақәа реилатәарақәа мҩаҧган: 
– ҳаамҭазтәи аҭагылазаашьа аҿы амуниципалбжьаратәии жәларбжьаратәии аусеицура: алшарақәеи аперспективақәеи; 
– аҭыҧантәи ахаланаҧхгара аҿы азакәанҧҵара; 
– Урыстәылатәи Афедерациа асубиектқәеи аҳәынҭқарратә мчра аусбарҭқәеи Урыстәылатәи Афедерациа амуниципалтә еиҿкаарақәа рхеилакқәеи русеицура; 
– Урыстәыла Атерриториатә Уаажәларратә Ахаланаҧхгара аҿиара аконцепциа. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа