Ажәабжьқәа

Популярное

Адыга жәлар еснагь Аҧсынытәыла гәыла-ҧсыла иазыҟоуп: Рауль Ҳаџьымба Адыгатәыла Ареспублика аделегациа идикылеит

535
09.10.2019 22:54
Адыга жәлар еснагь Аҧсынытәыла гәыла-ҧсыла иазыҟоуп: Рауль Ҳаџьымба Адыгатәыла Ареспублика аделегациа идикылеит
Аделегациа Аҧсны Аҳәынҭқарра Ахада Рауль Ҳаџьымба Ахада имаҵура анагӡарахь инеира иазку аныҳәатә еилатәара алахәаразы Аҧсныҟа иааит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Адыгатәыла Ареспублика  аделегациа идикылеит.

Аиҧылара аартуа,  Аҳәынҭқарра Ахада иазгәеиҭеит:

“Ҳарҭ ҳаиашьаратә жәларқәа узеиҟәымҭхо еидҳәалоуп. Ибзианы иаҳгәалашәоит ҳашьцәа адыгақәа зегь раҧхьа Аҧсны ахьчара игылақәаз ишыруаӡәку. Иахьагьы урҭ ҳаизыҟазаашьақәа ирыцаҳҵоит. Иҟаҵоу рацәоуп акультура, аҵараиура, аекономика аусхкқәа рҿы, урҭ апроцессқәа аҧхьаҟагьы ирыцҵаны аус ҳаулароуп”, – ҳәа иҳәеит Аҳәынҭқарра Ахада.

Адыгатәыла Ареспублика Аҳәынҭқарратә Хеилак-Хасе Ахантәаҩы Владимир Нарожныи Аҧсны Аҳәынҭқарра анапхгареи ауаажәларреи иажәа ҧхақәа рзикит.

“Адыга жәлар еснагь Аҧсынытәыла гәыла-ҧсыла иазыҟоуп. Адыгатәыла Ареспублика ауаажәларра рыхьӡала иҭабуп ҳәа шәасҳәарц сҭахуп. Иҭабуп ҳәа шәасҳәоит иара убас Аҧсны ахьчара иазгылаз Адыгатәыла ахаҭарнакцәа ирышәҭо азҿлымҳаразы. Ари ҳара ҳзы акыр иаҧсоуп. Адыгатәыла Ареспублика Ахада ҳаиашьаратә Аҧсни ҳареи иҳабжьоу аизыҟазаашьақәа ахә ҳаракны ишьоит. Ҳарҭ ҳдацқәа акуп, ахааназы аӡәгьы илшом шәышықәсала иааҳго ҳаизыҟазаашьақәа рҧыргара”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа