Ажәабжьқәа

Популярное

Аекономика Аминистрра Аҧсни Шьамтәылеи абаџь зқәым ахәаахәҭра рыбжьаҵара азы аиқәшаҳаҭра апроект еиқәнаршәоит

80
04.10.2017 15:14
Аекономика Аминистрра Аҧсни Шьамтәылеи абаџь зқәым ахәаахәҭра рыбжьаҵара  азы аиқәшаҳаҭра апроект еиқәнаршәоит
Абри азы аекономика аминистр Шьамтәылатәи Арабтәи Ареспублика Жәлар Рхеилак аделегациа рҧылараҿы адырра ҟаиҵеит. 

Аҟәа. Жьҭаарамза 4. Аҧсныпресс.  Аҧсны аекономика аминистр Адгәыр Арӡынба Шьамтәылатәи Арабтәи Ареспублика Жәлар Рхеилак аделегациа  идикылеит. Абри атәы аанацҳауеит Аҧсны аекономика Аминистрра аофициалтә саит. 

Асасцәа бзиала шәаабеит ҳәа раҳәо, Адгәыр Арӡынба иҳәеит: “Сара шьамтәылатәи сколлега, адәныҟатәи ахәаахәҭреи аекономикеи рминистр  сиҧылеит, Аҧсны аҧыза-министр иҿы аиҧылара салахәын, Жәларбжьаратәи дамасстәи ацәыргақәҵатә хәаахәҭра аплошьадкақәа рҿы шьамтәылаа срыҿцәажәахьеит. Аҧсны ажәларгьы аибашьра зхызгаз жәларуп, уи иацу агәаҟрақәа ртәы шьахәлаҵәҟьа ирдыруеит, ҳара  Шьамтәыла ажәлар атерроризм иаҿагыланы имҩаҧырго ақәҧараҿы ҳрыдгылоит”. 

Ахәҭахьала, аделегациа ахада, Шьамтәылатәи Арабтәи Ареспублика Жәлар Рхеилак анаҧшҩы Санаа Або Заид аекономика аминистр идкылара бзиа азы ҭабуп ҳәа иалҳәеит, уи Шьамтәылеи Аҧсны реизыҟазаашьақәа рыҿиара акыр ахшыҩзышьҭра шарҭо азгәалҭеит.  “ Ҳара ҳҭаара ҳтәылақәа рыбжьара хра злоу аусеицура ахацыркра иазкуп. Ҳҭаара ахықәкы хаданы  иҟоу- аусеицуразы ажәалагалақәа реиқәыршәареи урҭ анаҩс Шьамтәылатәи Ареспублика Анаҧхгарахь ахәаҧшразы адгалареи роуп”, -ҳәа адырра ҟалҵеит Санаа Або Заид. 

Ахәҭакахьала, Адгәыр Арӡынба, аекономика Амнистрра Аҧсни Шьамтәылеи абаџь зқәым ахәаахәҭра рыбжьаҵара  азы аиқәшаҳаҭра апроект еиқәнаршәоит ҳәа адырра ҟаиҵеит. 

”Шәареи ҳареи аҳәынҭқарратә усзуҩцәа раҳасабала иаҳзеиҧшу хықәкны иҟоуп абизнес аҿиаразы иманшәалоу аҭагылазаашьақәа рыҧҵара”, -ҳәа иажәа хыркәшо инаҵшьны иазгәеиҭеит аекономика аминистр. Аиҧылара ахыркәшамҭаз аделегациа аекономика аминистр агәаларшәагатә ҳамҭа ианаршьеит. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа