Ажәабжьқәа

Ахада Аҧсны жәлар рышҟа иҟаиҵаз ааҧхьара

1308
27.08.2019 15:44
Ахада Аҧсны жәлар рышҟа иҟаиҵаз ааҧхьара
Аҧсны Аҳәынҭқарра Ахада Рауль Ҳаџьымба Аҧсны жәлар рышҟа ааҧхьара ҟаиҵеит. 

Аҟәа. Нанҳәамза 27. Аҧсныпресс. Рауль Ҳаџьымба Аҧсны жәлар рышҟа ааҧхьара ҟаиҵеит: 

«Ҳаҭыр зқәу ҳауааажәлар!

Нанҳәа 25 рзы ҳтәылаҿы имҩаҧысыз Аҳәынҭқарра Ахада иалхрақәа – ҳҭоурых аҿы иалкаатәу, аҵак ду змоу хҭысуп. Ҳаҭыр ақәҵатәуп арҭ алхрақәа аиҿагыларахь инамгакәа, ҳконституциеи алхратә закәани ирықәыршәаны иахьымҩаҧгахаз. Араҟа иааҧшит ҳауаажәлар рҟәыӷара, аҳәынҭқарра алахьынҵа, уаҵәтәи аҧеиҧш хьаас ишрымоу.

Даараӡа иҭабуп ҳәа шәасҳәоит алхрақәа рышҟа инеиз зегьы адемократиатә ҧҟарақәа ҳаҭыр рықәҵаны, аполитикатә хдырра ҳаракы аазырҧшыз ҳҭәылауаа зегьы.

Аҳәаанырцәынтәи арахь иааз анаҧшцәагьы иазгәарҭеит алхрақәа рылҵшәа иаҧырхагаз аилагарақәа аҭыҧ шрымамыз, ҳауаажәлар ишаадырҧшыз алеишәа, аихаҵгылара, аимак-аиҿак закәан мҩала арҽеишьа ҳшақәшәо.

Ишыжәдыруеиҧш, ихьыҧшым аҳәынҭқарра аҿиара, уи аполитикатә система ашьақәгылара – имариам, ауадаҩрақәа рацәаны изцу процессуп. Аха абас шьаҿа-шьаҿала ҳаргьы ҳанысроуп убри амҩа. Ҳахӡыӡаалароуп Аҧсны аҵеицәа ршьала иаагоу ҳхьыҧшымра, ҳҳәынҭқарратә суверенитет. Адунеи зегьы аҿы ирбартә иҟаҳҵароуп ҳара ишҳаргыло изинтәу, ацивилизациеи акультура ҳараки шьаҭас измоу аҳәынҭқарра.

Сақәгәыӷуеит, хара имгакәа имҩаҧысраны иҟоу алхрақәа рхыркәшаратә тур аҿгьы иҟалап ҳәа аҭышәынтәалара, аилибакаара, аихаҵгылара. Хымҧада, иаҳуалҧшьоуп ҳауаажәлар реидкылара, урҭ ракзаара, азеиҧш милаҭтә интересқәа рыхьчаразы аҳәоуеиқәшәара. Убасҟан ауп ианалыршахо Аҧсны Аҳәынҭқарраҿы аҭынчра нагӡеи, аҿиареи, аизҳа-зыӷьареи ҧынгылада!»

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа