Ажәабжьқәа

Популярное

“Ахьтәы ҭагалан” ҳәа изышьҭоу ацәыргақәҵа иалахәу аҧснытәи аҭыжьыҩцәа аҳәынҭқарра адгылара рнаҭеит.

154
04.10.2017 14:53
“Ахьтәы ҭагалан” ҳәа изышьҭоу ацәыргақәҵа иалахәу аҧснытәи аҭыжьыҩцәа  аҳәынҭқарра адгылара рнаҭеит.
Ацәыргақәҵа аҿы 15 инарзынаҧшуа Аҧснынтәи ақыҭанхамҩатә аарыхыҩцәа раалыҵқәа цәыргақәҵоуп.

Аҟәа. Жьҭаарамза 4 . Аҧсныпресс.  Ақыҭанхамҩатә аалыҵ ҭзыжьуа Аҧснытәи анаплакқәа Москва ақалақь Жәлар Рынхамҩатә Еихьӡарақәа Рцәыргақәҵа аҿы жьҭаарамза 4 рзы иаатыз XVIII Жәларбжьаратәи агроааглыхратә цәыргақәҵа “Ахьтәы ҭагалан-2017” рхы аладырхәуеит.  
 
Ацәыргақәҵа аҿы аџьыка, аминералтә ӡқәа,  ихаау аӡқәа, иџьбароу арыжәтә, ацха, уҳәа реиҧш иҟоу, 15 инарзынаҧшуа Аҧснынтәи ақыҭанхамҩатә аарыхыҩцәа  иҭрыжьуа аалыҵқәа цәыргақәҵоуп.  Аҧснытәи аҭыжьыҩцәа раалыҵқәа Жәларбжьаратәи ацәыргақәҵа аҿы абар шьҭа фынтәны ицәыргақәҵоуп. 

Аҧснытәи аилазаарақәа раалыҵ аӡыргара иадҳәалоу ахарџь зегьы “Аҧсны Аҳәынҭқарра аҿы 2017-2019 шықәсқәа рзы аекспорт адгылара аҭара” ҳәа изышьҭоу Анаҧхгаратә программа аҳәаақәа ирҭагӡаны аҳәынҭқарра ахахьы иагеит.  Абри атәы аанацҳауеит Аҧсны аекономика Аминистрра аофициалтә саит. 

Аделегациа аилазаара аҿы иҟоуп атәыла аекономика аминистр Адгәыр Арӡынба, ақыҭанхамҩа аминистр Даур Ҭарба.

(АП): Иарбоу ацәыргақәҵа Мрагыларатәи Европа аҿы иреиҳаӡоу аусхкытә форумны иҟоуп, уи ҩажәа инареиҳаны адунеи атәылақәеи Урыстәылатәи Афедерациа арегионқәа зегьи рҟынтәи хыҧхьаӡара рацәала алахәылацәа аднаҧхьалоит. Афорум аусура ихы алаирхәуеит Урыстәылатәи Афедерациа Анаҧхгара Ахантәаҩы Дмитри Медведев.  


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа